ବ୍ୟାଚକୁ ନେଇ ବରିଷ୍ଠ ବିଜେପି ନେତା ସୁବ୍ରମଣ୍ୟମ ସ୍ବାମୀଙ୍କ ଟ୍ବିଟ

ଗତ ବୁଧବାର ଖେଳାଯାଇଥିବା ବିଶ୍ବକପ ମ୍ୟାଚରେ ଧୋନି ଭାରତୀୟ ସେନାର ବଳିଦାନ ବ୍ୟାଚ ଥିବା ଗ୍ଲୋଭ୍‌ସ ପିନ୍ଧି କିପିଂ କରୁଥିବାର ଦେଖିବାକୁ ମିଳିଥିଲା । ଯାହାକୁ ସୋସିଆଲ ମିଡିଆରେ ଖୁବ ପସନ୍ଦ କରିଛନ୍ତି ମାହିଙ୍କ ଫ୍ୟାନ୍ସ ।

ନୂଆଦିଲ୍ଲୀ: ଭାରତୀୟ ଟିମ୍‌ର ପୂର୍ବ ଅଧିନାୟକ ମହେନ୍ଦ୍ର ସିଂ ଧୋନିଙ୍କ ଗ୍ଲୋଭସ୍‌ ବର୍ତ୍ତମାନ ଚର୍ଚ୍ଚାର ସହ ବିବାଦୀୟ ବିଷୟ ପାଲଟି ଯାଇଛି । ଏନେଇ ଭାରତୀୟ ଜନତା ପାର୍ଟିର ନେତା ସୁବ୍ରମଣ୍ୟମ ସ୍ବାମୀ ଧୋନୀଙ୍କୁ ଟ୍ବିଟ କରିଛନ୍ତି ।

ଫଟୋ ସୌଜନ୍ୟ:ସୋସିଆଲ ମିଡିଆ@Swamy39

ସେ ଟ୍ବିଟରେ ଉଲ୍ଲେଖ କରିଛନ୍ତି ଯେ; ଧୋନିଙ୍କୁ ମୋର ନିଜସ୍ବ ଉପଦେଶ : ଧୋନି ଆଇସିସିର ନିୟମ ମାନି ନେଲେ ତମର କିଛି କ୍ଷତି ହେବ ନାହିଁ । ଏହି ବିବାଦକୁ ସମାପ୍ତ କର ।

ସୂଚନାଥାଉକି, ଭାରତୀୟ ସେନାର ବଳିଦାନ ବ୍ୟାଚ ଥିବା ଗ୍ଲୋଭ୍‌ସ ପିନ୍ଧି ବିଶ୍ବକପର ପ୍ରଥମ ମ୍ୟାଚ ଖେଳିଥିଲେ ଧୋନି । ଏହାପରେ ଧୋନି ଚର୍ଚ୍ଚାର ପରିସରକୁ ଆସିଛନ୍ତି ।