ପ୍ୟାରିସ: ଫ୍ରେଞ୍ଚ ଓପନ କ୍ବାଲିଫାୟର୍ସର ଦ୍ବିତୀୟ ରାଉଣ୍ଡରେ ପ୍ରବେଶ କରିଛନ୍ତି, ଭାରତୀୟ ଷ୍ଟାର ମହିଳା ଟେନିସ ଖେଳାଳି ଅଙ୍କିତା ରାଇନା । ପ୍ରଥମ ରାଉଣ୍ଡରେ ଅଷ୍ଟ୍ରେଲିଆର ଅରିନା ରୋଡିଓନଭାଙ୍କୁ 3-6, 6-1,6-4 ସେଟରେ ହରାଇଛନ୍ତି ଅଙ୍କିତା । ଫଳରେ ବୁଧବାର ଦ୍ବିତୀୟ ରାଉଣ୍ଡରେ ବେଲଜିୟମର ଗ୍ରୀଟ ମିନେନଙ୍କ ସହ ଅଙ୍କିତାଙ୍କ ମୁକାବିଲା ହେବ ।
ଅଙ୍କିତା ପ୍ରଥମ ସେଟରେ ପରାସ୍ତ ହୋଇଥିଲେ ମଧ୍ୟ ପରେ ଜୋରଦାର କମବ୍ୟାକ କରିଥିଲେ ଓ ପରବର୍ତ୍ତୀ ଦୁଇଟି ସେଟରେ ଅଷ୍ଟ୍ରେଲିଆ ପ୍ରତିପକ୍ଷଙ୍କୁ ହରାଇ ପରବର୍ତ୍ତୀ ରାଉଣ୍ଡକୁ ଉନ୍ନୀତ ହୋଇଥିଲେ ।
ଅନ୍ୟପଟେ ପ୍ରତିପକ୍ଷ ଗ୍ରୀଟ ପୋଲାଣ୍ଡର ଉରସଜୁଲା ରାଡୱାନସକାଙ୍କୁ ହରାଇ ଦ୍ବିତୀୟ ରାଉଣ୍ଡରେ ପହଞ୍ଚିଛନ୍ତି ।
