ଅମରାବତୀ: ସାଧାରଣ ନିର୍ବାଚନ ପରେ ଶକ୍ତିଶାଳୀ ହେବାରେ ଲାଗିଛି ବିଜେପି । ଅନ୍ୟପକ୍ଷରେ ଆଞ୍ଚଳିକ ଦଳ ଗୁଡିକ ଧୀରେ ଧୀରେ ଦୁର୍ବଳ ସ୍ଥିତିକୁ ଆସିବାର ପରିସ୍ଥିତି ସୃଷ୍ଟି ହୋଇଛି । ବିଶେଷ କରି ନିକଟରେ ଶେଷ ହୋଇଥିବା ଆନ୍ଧ୍ରପ୍ରଦେଶର ବିଧାନସଭାରେ ପରାଜୟ ବରଣ କରିଥିବା ଶାସକ ଟିଡିପି ଏବେ ନିଜ ଅସ୍ତିତ୍ବ ରକ୍ଷା ପାଇଁ ସଂଘର୍ଷ କରୁଛି ।
କାରଣ ଦଳ ମୁଖ୍ୟ ଏନ ଚନ୍ଦ୍ରବାବୁ ନାଇଡୁ ବିଦେଶ ଗସ୍ତରେ ଥିବା ବେଳେ ଦଳର 4ଜଣ ରାଜ୍ୟସଭା ସାଂସଦ ନାଇଡୁଙ୍କୁ ଲଣ୍ଡାକରି ବିଜେପି ମୈଦାନକୁ ଲମ୍ଫ ମାରିଥିଲେ । ଯାହା ପରାଜୟ ପରେ ବିଶାଦଗ୍ରସ୍ତ ଥିବା ନାଇଡୁଙ୍କୁ ଏକ ଶକ୍ତ ଧକ୍କା ଦେଇଛି । ପୁଣି ଆଜି ଦଳର ତୁଣ୍ଡ ଥିବା ଲଙ୍କା ଦିନାକର ବିଜେପିରେ ଯୋଗ ଦେଇଛନ୍ତି ।
ଦିନାକର ବିଜେପିର କାର୍ଯ୍ୟକାରୀ ସଭାପତି ଜେପି ନଡ୍ଡାଙ୍କ ଉପସ୍ଥିତିରେ ସାମିଲ ହୋଇଛନ୍ତି । ଯଦି ଏହି ଦଳ ଡିଆଁ ପ୍ରକ୍ରିୟା ଜାରି ରୁହେ ଆଗାମୀ ନିର୍ବାଚନରେ ଟିଡିପି ପାଇଁ ଯେ ସଂକଟ ସୃଷ୍ଟି କରିବ ଏଥିରେ ସନ୍ଦେହ ନାହିଁ ।
