ନୂଆଦିଲ୍ଲୀ: ଭାରତ ସମେତ ଅନ୍ୟ ଦେଶରେ ଆତଙ୍କବାଦକୁ ପ୍ରୋତ୍ସାହନ ଦେଉଥିବା ପାକିସ୍ତାନକୁ ପୁଣିଥରେ ଟାର୍ଗେଟ କରିଛନ୍ତି ଭାରତ ଏବଂ ଆମେରିକା। ଆତଙ୍କବାଦର ଇଣ୍ଡଷ୍ଟ୍ର୍ରୀ ହେଉଛି ପାକିସ୍ତାନ । ଏଥିସହିତ ପାକିସ୍ତାନ ନିଜ ପଡୋଶୀ ରାଜ୍ୟ ପାଇଁ ଆତଙ୍କବାଦୀଙ୍କୁ ହତିଆର ଭାବେ ବ୍ୟବହାର କରୁଛି । ଗୁରୁବାର ନୂଆଦିଲ୍ଲୀରେ ୟୁକେ ଇଣ୍ଡିଆ ସପ୍ତାହକୁ ସମ୍ବୋଧିତ କରିବା ସମୟରେ ଏସ ଜୟଶଙ୍କର ଏକ ଭିଡିଓ ଲିଙ୍କ୍ ଜରିଆରେ ପାକିସ୍ତାନକୁ ଟାର୍ଗେଟ କରିଥିଲେ ।
ଖାଲି ସେତିକି ନୁହେଁ ନିଜ ଦେଶର ମାଟିରେ ଚାଲୁଥିବା ଆତଙ୍କବାଦ ଇଣ୍ଡଷ୍ଟ୍ରୀକୁ ପାକିସ୍ତାନ ସରକାର ପ୍ରୋତ୍ସାହନ ଦେଉଛନ୍ତି। କାରଣ ପାକିସ୍ତାନ ସରକାର ଏହାକୁ ନିଜ ପଡୋଶୀ ଦେଶ ପାଇଁ ହତିଆର ମନେ କରୁଛି । ଯାହାକୁ ଭାରତ କଦାପି ବି ସହ୍ୟ କରିବନାହିଁ। ସେହିପରି ଭାରତ ଗ୍ରସ୍ତରେ ଆସିଥିବା ଆମେରିକା ବୈଦେଶିକ ମନ୍ତ୍ରୀ ମାଇକ ପମ୍ପିଓ ପାକିସ୍ତାନକୁ କଡା ଶଦ୍ଦରେ ଭର୍ତ୍ସନା କରିଛନ୍ତି । ଭାରତରେ ଆତଙ୍କବାଦ ପ୍ରସାରଣକୁ ବନ୍ଦ କରିବା ପାଇଁ ପାକିସ୍ତାନକୁ ଚେତାବନୀ ଦେଇଛନ୍ତି । ଏହାସହିତ ଆଫଗାନିସ୍ତାନରେ ଆତଙ୍କୀଙ୍କ ପ୍ରବେଶ ଉପରେ ରୋକ ଲଗାଇବାକୁ କହିଛନ୍ତି ।
ପମ୍ପିଓ ଏକ ଇଂରାଜୀ ଖବର କାଗଜରେ କହିଛନ୍ତି, ଆମେରିକା ପାକିସ୍ତାନକୁ ନେଇ ଏକ ବଡ ପଦକ୍ଷେପ ନେବାକୁ ଯାଉଛି । ଯାହାଫଳରେ ପାକିସ୍ତାନ ଭାରତ ବିରୁଦ୍ଧରେ ଆତଙ୍କୀ ଗତିବିଧିକୁ ବନ୍ଦ କରିବ । ଏହାସହିତ ପାକିସ୍ତାନ ଆଫଗାନିସ୍ତାନରେ ଆତଙ୍କବାଦୀଙ୍କୁ ସାହାଯ୍ୟ କରିବା ମଧ୍ୟ ବନ୍ଦ କରିବ ।
