ମଞ୍ଚେଷ୍ଟର: ଷ୍ଟ୍ରାଇକର ସର୍ଜିଓ ଆଗୁଏରୋଙ୍କୁ ରବିବାର ପୁନର୍ବାର ସମ୍ମାନ ଜଣାଇଛି ମଞ୍ଚେଷ୍ଟର ସିଟି କ୍ଲବ । ସ୍ଥାନୀୟ ଇଥିଆଡ ଷ୍ଟାଡିୟମରେ କ୍ୟାରିୟରର ଶେଷ ମ୍ୟାଚ ଖେଳିବାକୁ ଯାଉଛନ୍ତି ସର୍ଜିଓ ।
ବର୍ଷ 2011ରେ ମଞ୍ଚେଷ୍ଟର ସିଟି ପକ୍ଷରୁ ଖେଳି ସ୍ବନସି ସିଟି ବିପକ୍ଷରେ ପ୍ରଥମ ଗୋଲ କରିଥିଲେ ସର୍ଜିଓ । ଏହାପରେ ସେ କ୍ଲବର ସର୍ବକାଳୀନ ଶ୍ରେଷ୍ଠ ଗୋଲ ସଂଗ୍ରହକାରୀ ଖେଳାଳି ହୋଇପାରିଛନ୍ତି ।
ମଞ୍ଚେଷ୍ଟର ସିଟି ସହିତ ସର୍ଜିଓ ମୋଟ 15ଟି ଟ୍ରଫି ଜିତିଛନ୍ତି । ସମସ୍ତ 15ଟି ବିଜୟୀ ଟ୍ରଫି ସହ ଫଟୋ ସେୟାର କରିଛନ୍ତି ସର୍ଜିଓ ।
ରବିବାର ସେ ତାଙ୍କର ଶେଷ ପ୍ରିମିୟର ଲିଗ ମ୍ୟାଚ ଖେଳିବାକୁ ଯାଉଛନ୍ତି ।
ସର୍ଜିଓ ବର୍ଷ 2011ରେ କ୍ଲବରେ ସାମିଲ ହୋଇଥିଲେ ଓ ସମସ୍ତ ପ୍ରତିଯୋଗିତାରେ 388ଟି ମ୍ୟାଚ ଖେଳି 258 ଗୋଲ କରିଛନ୍ତି ।
ମଞ୍ଚେଷ୍ଟର ସିଟି ସହ ସର୍ଜିଓ 5ଟି ପ୍ରିମିୟର ଟାଇଟେଲ, 6ଟି ଲିଗ କପ ଟାଇଟେଲ ଓ ଗୋଟିଏ ଏଫଏ କପ ଜିତିଛନ୍ତି ।
ମଞ୍ଚେଷ୍ଟର ସିଟି 2020-21 ସିଜିନର ପ୍ରିମିୟର ଲିଗ ଟାଇଟେଲ ପାଇଁ ସ୍ଥାନ ସୁରକ୍ଷିତ କରିଛି । ମେ 29ରେ ଚମ୍ପିଆନ୍ସ ଲିଗ ଫାଇନାଲରେ ଚେଲସିଆକୁ ଭେଟିବ ।
ବ୍ୟୁରୋ ରିପୋର୍ଟ, ଇଟିଭି ଭାରତ
