ଗଜପତି: ମୋହନା ପୋଲିସକୁ ମିଳିଛି ବଡ଼ ସଫଳତା । ଗଜପତି ଜିଲ୍ଲା ମୋହନା ଅଞ୍ଚଳରେ ଚାଲିଥିବା ଚୋରା ବାଇକ ରାକେଟରପର୍ଦ୍ଦାଫାଶକରିଛି ପୋଲିସ । ଏହି ରାକେଟରାଜଧାନୀ ଭୁବନେଶ୍ବରରୁ ମୋହନା ଯାଏଁ ଚେର ଲମ୍ବିଥିବାବେଳେ ବୁଧବାର ଏହି ଅଞ୍ଚଳରେ ପୋଲିସ ଚଢାଉ କରିଥିଲା । ଫଳରେ 4 ଜଣଙ୍କୁ ଗିରଫ କରିବା ସହ13ଟି ବାଇକ ଜବତ ହୋଇଛି ।
ମୋହନା ଥାନା ଅନ୍ତର୍ଗତ କମଳାପୁର କଲୋନୀ, ବାଦପୁର, ଜଳାମେରୀ ନୂଆସାହି, ଡେଙ୍ଗିଣିପଦର ଓ ନାରଙ୍ଗି ସ୍ଥାନରେ ଚଢାଉ କରିଥିଲା ପୋଲିସ । ଏହି ବାଇକ ଚୋରୀ ରାକେଟରେ ସଂପୃକ୍ତ ମୁଖ୍ୟ ଅଭିଯୁକ୍ତ କମଳାପୁର କଲୋନୀର ପିଙ୍କୁ ନାୟକଙ୍କ ସମେତ ନାରିଙ୍ଗି ଗାଁର ସୁମିତ ନାୟକ, ବାଦପୁର ଗାଁର ବାବୁଲା ନାୟକ ଓ ନୂଆସାହିର ଟୁଜୁ ନାୟକକୁ ପୋଲିସ ଗିରଫ କରିଛି ।
ଭୁବନେଶ୍ବର ଓ ବ୍ରହ୍ମପୁରରୁ ବାଇକ ଚୋରିକରି ଏହି ଅଞ୍ଚଳରେ ଶସ୍ତା ଦରରେ ବିକ୍ରି କରି ଗଞ୍ଜେଇ ଚାଲାଣ କରୁଥିଲେ । ଏହାସହ ସେହି ଟଙ୍କାକୁ ବେଆଇନ କାର୍ଯ୍ୟରେ ନିୟୋଜିତ କରୁଥିଲା । ଏସପି ପ୍ରେସ ମିଟ ଜରିଆରେ ଏହାର ସୂଚନା ଦେଇଛନ୍ତି ।
ଗଜପତିରୁ ହରିହର ପଟ୍ଟନାୟକ, ଇଟିଭି ଭାରତ
