ନୂଆଦିଲ୍ଲୀ: ମହାମାରୀ କୋରୋନା ଯୁଦ୍ଧରେ ବଡ ସଫଳତା । ଦେଶରେ ଚାଲିଥିବା ଟୀକାକରଣ ଅଭିଯାନରେ ଯୋଡି ହେବାକୁ ଯାଉଛି ଆଉ ଏକ ଟିକା । ଫାର୍ମା କମ୍ପାନୀ ଜାୟଡସ କ୍ୟାଡିଲା(Zydus Cadila)ର ୩ ଡୋଜ ବିଶିଷ୍ଟ କୋରୋନା ଭ୍ୟାକ୍ସିନକୁ କେନ୍ଦ୍ର ସରକାର ଦେଇଛନ୍ତି ମଞ୍ଜୁରୀ ।
ଏହି ଟୀକାର ନାଁ ହେଉଛି ZyCov-D | ଡ୍ରଗ୍ କଣ୍ଟ୍ରୋଲର୍ ଜେନେରାଲ୍ ଅଫ୍ ଇଣ୍ଡିଆର ବିଶେଷଜ୍ଞ କମିଟି ଶୁକ୍ରବାର ଭ୍ୟାକ୍ସିନର ଜରୁରୀକାଳୀନ ବ୍ୟବହାରକୁ ଅନୁମୋଦନ ପ୍ରଦାନ କରିଛି । ZyCov-D ଟିକାର 2 ଡୋଜର ପ୍ରଭାବ ଉପରେ କମିଟି ଫାର୍ମା କମ୍ପାନୀରୁ ଅତିରିକ୍ତ ତଥ୍ୟ ମାଗିଛି।
ଜେନେରିକ ଫାର୍ମା କମ୍ପାନୀ କ୍ୟାଡିଲା ହେଲଥ କେୟାର ଲିମିଟେଡ୍ ଜୁଲାଇ ପହିଲାରେ ZyCoV-D ଟିକାର ଜରୁରୀକାଳୀନ ବ୍ୟବହାର ପାଇଁ ଅନୁମତି ଆବେଦନ କରିଥିଲା | 28 ହଜାର ସ୍ବେଚ୍ଛାସେବୀଙ୍କ ଉପରେ କରାଯାଇଥିବା ଶେଷ ପର୍ଯ୍ୟାୟ ପରୀକ୍ଷା ଆଧାରରେ ଏହି ଆବେଦନ କରାଯାଇଥିଲା | ଏହି ଟିକା 66.6 ପ୍ରତିଶତ ପ୍ରଭାବଶାଳୀ ବୋଲି ଜଣାପଡିଛି।
ZyCoV-D ଟିକା 12 ରୁ 18 ବର୍ଷ ବୟସଙ୍କ ପାଇଁ ମଧ୍ୟ ସମ୍ପୂର୍ଣ୍ଣ ସୁରକ୍ଷିତ ଅଟେ। ତଥାପି ଏହାର ପରୀକ୍ଷଣ ତଥ୍ୟ ଏପର୍ଯ୍ୟନ୍ତ ସମୀକ୍ଷା କରାଯାଇ ନାହିଁ |
