ଇଣ୍ଡିକେଟର ବ୍ୟବହାର କହିବାରୁ ଯୁବକଙ୍କୁ ବାପ-ପୁଅଙ୍କ ହତ୍ୟା ଉଦ୍ୟମ

ରାସ୍ତାରେ ଇଣ୍ଡିକେଟର ବ୍ୟବହାର ନକରି ଦୃତ ଗତିରେ ଗାଡ଼ି ଚଲାଉଥିଲେ ବାପ ପୁଅ । ସେମାନଙ୍କୁ ଇଣ୍ଡିକେଟର ବ୍ୟବହାର କରିବାକୁ କହିବାରୁ ଯୁବକଙ୍କ ଉପରେ ଗାଡି ଚଢାଇ ହତ୍ୟା ଉଦ୍ୟମ କରିଛନ୍ତି ଅଭିଯୁକ୍ତ । ପଢନ୍ତୁ ସମ୍ପୂର୍ଣ୍ଣ ଖବର

ବେଙ୍ଗାଲୁରୁ: ସାଧାରଣତଃ ଆମେ ରାସ୍ତା ପାରି ହେବା ସମୟରେ ସୂଚକ ବା ଇଣ୍ଡିକେଟର ( Indicator )ର ବ୍ୟବହାର କରିଥାଉ । ଫଳରେ ଆମ ପଛରେ ଆସୁଥିବା ପଥିକ ସତର୍କ ହୋଇ ରହିଥାନ୍ତି । ତେବେ ଇଣ୍ଡିକେଟର ବ୍ୟବହାର ପାଇଁ ଭୁଲି ଯାଇଥିବା ଜଣେ ପଥିକଙ୍କୁ ମନେ ପକାଇବା ଯୁବକଙ୍କୁ ପାଇଁ ଭାରି ପଡ଼ିଛି । ଯୁବକଙ୍କ ଏହି କଥାରେ ରାଗିଯାଇ ଦାମି ଗାଡ଼ି ଚଲାଉଥିବା ବାପ ପୁଅ ଯୁବକଙ୍କ ଉପରେ ଗାଡ଼ି ଚଢାଇ ହତ୍ୟା ଉଦ୍ୟମ କରିଥିବା ଅଭିଯୋଗ ହୋଇଛି (Attempt to murder by father and son) । ଏପରି ଘଟଣା ସୋମବାର କର୍ଣ୍ଣାଟକ ବେଙ୍ଗାଲୁରୁ ସହରର ଟି.କେ କଲୋନୀରେ ଘଟିଛି ।

ଅଭିଯୋଗ ହୋଇଛି ଯେ ଯୁବକଙ୍କ କଥାରେ ରାଗିଯାଇ ବାପା ଓ ପୁଅ ସେମାନଙ୍କ ଉପରେ ଏକ ଦାମୀ କାର ଚଢାଇବାକୁ ଉଦ୍ୟମ କରିଥିଲେ । ଅଭିଯୁକ୍ତ ହେଉଛନ୍ତି ବାସୁ ଏବଂ ତାଙ୍କ ପୁଅ ଦର୍ଶନ । ଏମାନେ ଗାଡ଼ିରେ ଥିବା ସୂଚକ ନ ଲଗାଇ ସହରର ଟି.କେ କଲୋନୀ ଦେଇ କାରରେ ଦୃତ ଗତିରେ ଯାଉଥିଲେ । ରାହୁଲ ଏବଂ ତାଙ୍କ ସାଙ୍ଗ ପ୍ରଜୱାଲ, ଆନନ୍ଦ ଅନ୍ୟ ପାର୍ଶ୍ବରୁ ଏକ କାରରେ ଆସୁଥିଲେ । ଏହି ସମୟରେ ରାହୁଲ ହାତ ଦେଖାଇ ଦର୍ଶନଙ୍କୁ ସୂଚକ ରଖିବାକୁ କହିଥିଲେ।

ଦର୍ଶନ ଏବଂ ତାଙ୍କ ପିତା ଭାସୁ ଏଥିରେ ରାଗିଯାଇ କାରକୁ ଅଟକାଇ ଥିଲେ ଏବଂ ଅନ୍ୟ କାରରେ ଥିବା ଯୁବକମାନଙ୍କୁ ଚାପୁଡ଼ା ମାରିଥିଲେ । ଅଭିଯୋଗ ଅନୁସାରେ ପରେ ବାପା-ପୁଅ ସେମାନଙ୍କ ଉପରେ କାର ଚଢାଇ ରାହୁଲ ଓ ତାଙ୍କ ବନ୍ଧୁମାନଙ୍କୁ ଅତି ନିର୍ମମ ଭାବେ ହତ୍ୟା କରିବାକୁ ଉଦ୍ୟମ କରିଥିଲେ । ଏଥିରେ ରାହୁଲ ଗୁରୁତର ଆହତ ହୋଇଛନ୍ତି ଏବଂ ଜୀବନ ଓ ମୃତ୍ୟୁ ସହ ସଂଗ୍ରାମ କରୁଛନ୍ତି । ଅନ୍ୟ ଦୁଇଜଣ ଡାକ୍ତରଖାନାରେ ଚିକିତ୍ସିତ ହେଉଛନ୍ତି। ଏ ନେଇ ସରସ୍ବତୀପୁରମ୍ ପୋଲିସ ଷ୍ଟେସନରେ ଏକ ମାମଲା ରୁଜୁ ହୋଇଛି ଏବଂ ଅଭିଯୁକ୍ତ ଦର୍ଶନଙ୍କୁ ଗିରଫ କରାଯାଇ ତଦନ୍ତ ଚାଲିଛି । ଆହତ ଯୁବକଙ୍କ ପିତାମାତା ଦାବି କରିଛନ୍ତି ଯେ ଅଭିଯୁକ୍ତଙ୍କ ବିରୁଦ୍ଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉ ।