ନୂଆଦିଲ୍ଲୀ: ଉତ୍ତର ପ୍ରଦେଶରେ ନୂତନ ସରକାରର ଶପଥ ଗ୍ରହଣ ଉତ୍ସବ ପୂର୍ବରୁ ଦିଲ୍ଲୀ ଗସ୍ତରେ ଯୋଗୀ ଆଦିତ୍ୟନାଥ । ଆଜି ପୂର୍ବାହ୍ନରେ ଉପରାଷ୍ଟ୍ରପତି ଭେଙ୍କେୟା ନାଇଡୁଙ୍କୁ ସାକ୍ଷାତ କରି ଆଲୋଚନା କରିଥିବା ଯୋଗୀ କିଛି ସମୟ ପୂର୍ବରୁ ପ୍ରଧାନମନ୍ତ୍ରୀ ଆବାସରେ ପହଞ୍ଚିଛନ୍ତି । ପ୍ରଦେଶରେ ଯୋଗୀ 2.0 ସରକାର ଶପଥ ନେବା ପୂର୍ବରୁ ପ୍ରଧାନମନ୍ତ୍ରୀଙ୍କ ସହ ସାକ୍ଷାତକାର ବେଶ ଗୁରୁତ୍ବପୂର୍ଣ୍ଣ ବୋଲି ବିଚାର କରାଯାଉଛି । ଶପଥ ନେବାକୁ ଥିବା ନୂଆ କ୍ୟାବିନେଟର ରୂରରେଖ ନେଇ ପ୍ରଧାନମନ୍ତ୍ରୀଙ୍କ ସହ ଆଲୋଚନା ହୋଇପାରେ ।
-
Delhi | Uttar Pradesh-designate CM Yogi Adityanath reaches 7-Lok Kalyan Marg to meet Prime Minister Narendra Modi pic.twitter.com/TyrTtRh1ab
— ANI (@ANI) March 13, 2022 " class="align-text-top noRightClick twitterSection" data="
">Delhi | Uttar Pradesh-designate CM Yogi Adityanath reaches 7-Lok Kalyan Marg to meet Prime Minister Narendra Modi pic.twitter.com/TyrTtRh1ab
— ANI (@ANI) March 13, 2022Delhi | Uttar Pradesh-designate CM Yogi Adityanath reaches 7-Lok Kalyan Marg to meet Prime Minister Narendra Modi pic.twitter.com/TyrTtRh1ab
— ANI (@ANI) March 13, 2022
ଦିଲ୍ଲୀ ଗସ୍ତରେ ଥିବା ଯୋଗୀ ଆଜି ଦଳ ମୁଖ୍ୟ ଜେପି ନଡ୍ଡାଙ୍କ ସହ ଅନ୍ୟ କିଛି ବରିଷ୍ଠ ନେତାଙ୍କ ସହ ମଧ୍ୟ ସାକ୍ଷାତ କରିଛନ୍ତି । ବିଜେପି ରାଜ୍ୟରେ ଗତ 37 ବର୍ଷର ରେକର୍ଡ ଭଙ୍ଗ କରି କ୍ରମାଗତ ଦ୍ବିତୀୟ ଥର ପାଇଁ ସରକାର ଗଠନ କରିବାକୁ ଯାଉଛି । ସେହିପରି ରାଜ୍ୟ ଇତିହାସରେ ମଧ୍ୟ କ୍ରମାଗତ ଦୁଇଥର ମୁଖ୍ୟମନ୍ତ୍ରୀ ଭାବେ ଶପଥ ନେବାକୁ ଯାଉଥିବା ପ୍ରଥମ ରାଜନେତା ହେବେ ଯୋଗୀ ଆଦିତ୍ୟନାଥ ।
ଚଳିତ ବିଧାନସଭା ନିର୍ବାଚନରେ ମୋଟ 403 ଆସନ ମଧ୍ୟରୁ 255 ଆସନ ହାତେଇ ପୁନର୍ବାର ସରକାର ଗଠନ କରିବାକୁ ଯାଉଛି । ଅନ୍ୟପଟେ ଚଳିତଥର ଉପ ମୁଖ୍ୟମନ୍ତ୍ରୀ କେବଶ ପ୍ରସାଦ ମୌର୍ଯ୍ୟଙ୍କ ସମେତ ମୋଟ 11 ମନ୍ତ୍ରୀଙ୍କୁ ମଧ୍ୟ ନିର୍ବାଚନରେ ପରାଜୟର ସାମ୍ନା କରିବାକୁ ପଡିଛି । ଏପରି ସ୍ଥଳେ ହେବାକୁ ଥିବା ନୂଆ ସରକାରରେ ରୂପରେଖରେ ମଧ୍ୟ ସାମାନ୍ୟ ପରିବର୍ତ୍ତନ ଆସିପାରେ । ସମସ୍ତ ବର୍ଗକୁ ନେଇ ସନ୍ତୁଳନ ରକ୍ଷା କରି କ୍ୟାବିନେଟ ଗଠନ ଉପରେ ଦଳ ଗୁରୁତ୍ବ ଦେଉଥିବାବେଳେ ଏନେଇ ବିଚାରବିମର୍ଶ ପାଇଁ ଯୋଗୀ ଦିଲ୍ଲୀ ଗସ୍ତରେ ଅଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
