ମୁମ୍ବାଇ: ଥମୁନି ଲଜ୍ଜା । ଦେଶରେ ଦିନକୁ ଦିନ ବଢିବାରେ ଲାଗିଛି ନାରୀ ନିର୍ଯାତନା ଘଟଣା । ପ୍ରତ୍ୟେକ ଦିନ ଦେଶର କେଉଁଠି ନା କେଉଁଠି ଆସୁଛି ନାରୀଙ୍କୁ ପାଶବିକ ଅତ୍ୟାଚାର କରିବାର ଘଟଣା । ମୁମ୍ବାଇର କୁର୍ଲା ଅଞ୍ଚଳରେ ଜଣେ ମହିଳାଙ୍କୁ ଗଣଦୁଷ୍କର୍ମ କରାଯାଇଥିବା ଅଭିଯୋଗ ଆସିଛି । ଏ ଘଟଣାରେ ୪ ଅଭିଯୁକ୍ତଙ୍କୁ ବାନ୍ଧିଛି ପୋଲିସ ।
ସୂଚନା ଅନୁସାରେ, ଜଣେ ବଙ୍ଗୀୟ ମହିଳା ଚାକିରି ଖୋଜିବା ପାଇଁ କୋଲକାତାରୁ ମୁମ୍ବାଇକୁ ନିଜ ସମ୍ପର୍କୀୟଙ୍କ ଘରକୁ ଗତ ମାର୍ଚ୍ଚରେ ଆସିଥିଲା । ହେଲେ ଏ ମୁମ୍ବାଇର କୁର୍ଲା ଅଞ୍ଚଳରେ ରହୁଥିବା ନିଜ ସମ୍ପର୍କୀୟଙ୍କ ସହ ମିଶି ଅନ୍ୟ ତିନି ଦୁର୍ବୃତ୍ତ ମହିଳାଙ୍କୁ ଗଣଦୁଷ୍କର୍ମ କରିଥିବା ଅଭିଯୋଗ କରିଛନ୍ତି ପୀଡିତା । ଏନେଇ ନେହେରୁ ନଗର ପୋଲିସ ମାମଲା ରୁଜୁ କରାଯାଇଛି । ପୋଲିସ ଘଟଣାର ତଦନ୍ତ ଆରମ୍ଭ କରି ୪ ଜଣଙ୍କୁ ଗିରଫ କରିବାରେ ସଫଳ ହୋଇଛି । ଏହାସହ ଡାକ୍ତରୀମାଇନା ପାଇଁ ପୀଡିତାଙ୍କୁ ମେଡିକାଲରେ ଭର୍ତ୍ତି କରିଛି ।
