ଜୟପୁର: ଆଶ୍ଚର୍ଯ୍ୟ ! ମହିଳାଙ୍କ ଗର୍ଭରୁ ଏକା ସାଙ୍ଗରେ ଜନ୍ମ ନେଲେ 4 ଶିଶୁ। ନବଜାତଙ୍କ ମଧ୍ୟରେ ଦୁଇ ପୁତ୍ର ଓ ଦୁଇ କନ୍ୟା ସନ୍ତାନ ରହିଛନ୍ତି। 3 ନବଜାତ ଶିଶୁଙ୍କ ଓଜର 1କେଜି 350 ଗ୍ରାମ ହୋଇଥିବା ବେଳେ ଚତୁର୍ଥ ଶିଶୁର ଓଜର 1କେଜି 650 ଗ୍ରାମ ରହିଛି । ଏପରି ଅଶ୍ଚର୍ଯ୍ୟଜନକ ଘଟଣା ଘଟିଛି ରାଜସ୍ଥାନରେ । ଆୟୁଷ୍ମାନ ନାମକ ଏକ ହସ୍ପିଟାଲରେ ମହିଳା ଜଣଙ୍କ ଚିକିତ୍ସିତ ହେଉଛନ୍ତି।
ହସ୍ପିଟାଲର ଡାକ୍ତର ସାଲିନ ଅଗ୍ରଓ୍ବାଲ କହିଛନ୍ତି ଯେ, ରବିବାର ରାତିରେ ମହିଳାଙ୍କ ପ୍ରସବ ବେଦନା ହୋଇଥିଲା । ସେହିଦିନ ରାତି 2ଟା ସମୟରେ ଓ୍ବାଜିପୁର ବାସିନ୍ଦା କିରଣ କନଓ୍ବାର ତାଙ୍କ ପତ୍ନୀଙ୍କୁ ହସ୍ପିଟାଲରେ ଭର୍ତ୍ତି କରିଥିଲେ । ଏହାପରେ ସକାଳ 6ଟାରେ ମହିଳା ଜଣଙ୍କ ପ୍ରସବ କରିଥିଲେ। ଏହା ସାଙ୍ଗରେ 4ଟି ଶିଶିଙ୍କୁ ଜନ୍ମ ଦେଇଥିଲେ ମହିଳା । 3 ନବଜାତ ଶିଶୁଙ୍କ ଓଜର 1କେଜି 350 ଗ୍ରାମ ହୋଇଥିବା ବେଳେ ଚାରି ନମ୍ବର ଶିଶୁର ଓଜର 1କେଜି 650 ଗ୍ରାମ ରହିଛି । ଏହି ଶିଶୁ ମାନଙ୍କୁ ସ୍ବତନ୍ତ୍ର ମନିଟରିଂର ଆବଶ୍ୟକତା ରହିଛି । କମ ଓଜନ ଥିବା 3 ଶିଶୁଙ୍କୁ ଜନାନା ଡାକ୍ତରଖାନାକୁ ସ୍ଥାନାନ୍ତର କରାଯାଇଛି । ଚତୁର୍ଥ ସନ୍ତାନଟି ତାଙ୍କ ମାଆଙ୍କ ପାଖରେ ଅଛି ।
ଏହା ମଧ୍ୟ ପଢନ୍ତୁ:-MP: ଜନ୍ମନେଲା ବିରଳ ଶିଶୁକନ୍ୟା, ରହିଛି 4ଟି ଗୋଡ
ଗତ ଏପ୍ରିଲ 19 ତାରିଖରେ ଆସାମରୁ ଏପରି ଏକ ଖବର ସାମ୍ନାକୁ ଆସିଥିଲା । ବଜାରିଚାରା ଅଞ୍ଚଳର ଜଣେ ମହିଳା ଏକା ସାଙ୍ଗରେ ୪ ସନ୍ତାନଙ୍କୁ ଜନ୍ମ ଦେଇଥିଲେ । ନବଜାତ ଶିଶୁମାନଙ୍କ ମଧ୍ୟରେ ତିନି ପୁଅ ଓ ଗୋଟିଏ ଝିଅ ରହିଥିଲା । ମାଆ ଓ 4 ଶିଶୁଙ୍କ ସ୍ବାସ୍ଥ୍ୟାବସ୍ଥା ଭଲ ରହିଥିବା ଡାକ୍ତର ସୂଚନା ଦେଇଥିଲେ। ନବଜାତ ଶିଶୁଙ୍କ ଫଟୋ ସୋସିଆଲ ମିଡିଆରେ ଭାଇରାଲ ହୋଇଥିଲା।
ଏହା ମଧ୍ୟ ପଢନ୍ତୁ-ଆଶ୍ଚର୍ଯ୍ୟ ! ଏକାଥରେ ୭ ଶିଶୁଙ୍କୁ ଜନ୍ମ ଦେଲେ ମହିଳା
ନିକଟରେ ମଧ୍ୟ ପ୍ରଦେଶର ଭିଦିସା ଜିଲ୍ଲାରେ ଜଣେ ପ୍ରସୂତି ଏକ ବିରଳ କନ୍ୟାସନ୍ତାନକୁ ଜନ୍ମ ଦେଇଥିଲେ । କନ୍ୟା ସନ୍ତାନଟିର 4ଟି ଗୋଡ଼ ରହିଥିଲା । ଭିଦିସା ମାଣ୍ଡି ବାମୋରାସ୍ଥିତ ସରକାରୀ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ମହିଳାଜଣଙ୍କ ପ୍ରସବ କରିଥିଲେ । ହେଲେ ଏହି ବିରଳ ଶିଶୁଟିର ସ୍ବାସ୍ଥ୍ଯାବସ୍ଥା ସଙ୍କଟାପନ୍ନ ରହିଥିଲା । ଉଭୟ ପ୍ରସୂତି ଓ ନବଜାତକକୁ ଭୋପାଳ ସ୍ଥିତ AIIMSକୁ ସ୍ଥାନାନ୍ତିରତ କରାଯାଇଥିଲା । ସେଠାରେ ଏକ ସ୍ବତନ୍ତ୍ର ଡାକ୍ତରୀ ଟିମ୍ ଏହି ମା’ ଓ ଶିଶୁଙ୍କ ଚିକିତ୍ସା କରିଥିଲେ ।
