ହାଇଦ୍ରାବାଦ: ପୁଣି ଲଜ୍ଜା । ମହିଳାଙ୍କ ଉପରେ ଥମୁନି ଅତ୍ୟାଚାର । ଛାତି ଥରାଇ ଦେବା ଭଳି ଖବର ସାମ୍ନାକୁ ଆସିଛି । ତେଲେଙ୍ଗାନାର ଦୁଣ୍ତିଗାଲରେ ମହିଳାଙ୍କୁ ଗଣଦୁଷ୍କର୍ମ କରାଯାଇଛି । ଏହି ଘଟଣାରେ ୪ ଅଭିଯୁକ୍ତଙ୍କୁ ଗିରଫ କରାଯାଇଛି ।
ସୂଚନା ଅନୁସାରେ, ଶୁକ୍ରବାର ରାତିରେ ମହିଳା ଜଣକ ସୋଲାପୁରରୁ ଯାତ୍ରା କରୁଥିଲେ । ଏହି ସମୟରେ ଚାରି ଅଭିଯୁକ୍ତ ତାଙ୍କ ପିଛା କରିଥିଲେ । ପରେ ତାଙ୍କୁ ମେଡଚାଲ ଜିଲ୍ଲାକୁ ନେଇ ସେଠାରେ ଦୁଷ୍କର୍ମ କରିଥିଲେ। ପରେ ସ୍ଥାନୀୟ ଲୋକେ ପୋଲିସକୁ ଏନେଇ ଖବର ଦେଇଥିଲେ ।
ପୋଲିସ ସେଠାରେ ପହଞ୍ଚି ମହିଳାଙ୍କୁ ଉଦ୍ଧାର କରିଥିଲା । ପୀଡିତାଙ୍କ ଡାକ୍ତରୀମାଇନା ପାଇଁ ତାଙ୍କୁ ମେଡିକାଲରେ ଭର୍ତ୍ତୀ କରାଯାଇଛି। ତେବେ ସମସ୍ତ ଦୁଷ୍କର୍ମକାରୀ ଅଟୋ ଚାଳକ ବୋଲି ଜଣାପଡିଛି । ଗିରଫ ହୋଇଥିବା ଅଭିଯୁକ୍ତମାନେ ହେଲେ ନରସିମା(୨୩), ଇମାମ୍(୨୦) ଅବଦୁଲ କୁଦୁସ(୨୧), ଉମରୁଦ୍ଦିନ(୨୧) । ପୋଲିସ ଘଟଣାର ଅଧିକ ତଦନ୍ତ ଜାରି ରଖିଛି ।
