କୋଲକାତା: ଗତ ନିର୍ବାଚନରେ ଭବାନୀପୁରରେ ସ୍ବଚ୍ଛତା ନଥିଲା କି ଶାନ୍ତିପୂର୍ଣ୍ଣ ଭାବେ ହୋଇନଥିଲା । କାରଣ ତୃଣମୂଳ କଂଗ୍ରେସ ହିଂସାତ୍ମକ ପଥ ଆପଣେଇଥିଲା । ତୃଣମୂଳ କଂଗ୍ରେସ ମୁଖ୍ୟ ତଥା ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ବିପକ୍ଷରେ ଛିଡା ହୋଇଥିବା ବିଜେପି ପ୍ରାର୍ଥୀ ପ୍ରିୟଙ୍କା ତିବ୍ରେୱାଲ ଏପରି କହିଛନ୍ତି ।
ଶନିବାର ତିବ୍ରେୱାଲ ପଶ୍ଚିମବଙ୍ଗର କାଳୀଘାଟ ମନ୍ଦିର ଗସ୍ତ କରିଛନ୍ତି । ଏହି ସମୟରେ ସେ କହିଛନ୍ତି ଯେ, 'ଦେବୀ କାଳୀଙ୍କ ଆଶୀର୍ବାଦ ପାଇଁ ମୁଁ ଏଠାକୁ ଆସିଥିଲି, ପଶ୍ଚିମବଙ୍ଗକୁ କିପରି ନ୍ୟାୟ ଦେଇପାରିବି ସେଥିପାଇଁ ମା'ଙ୍କ ଆଶିଷ ଭିକ୍ଷା କରିଛି । କାରଣ ଗତ ନିର୍ବାଚନରେ ପଶ୍ଚିମବଙ୍ଗବାସୀ ପ୍ରବଳ ହିଂସାର ସମ୍ମୁଖୀନ ହୋଇଛନ୍ତି ।'
ସେ ଆହୁରି ମଧ୍ୟ କହିଛନ୍ତି, 'ଶାସକ ଦଳ ହିଂସାକୁ ସମର୍ଥନ କରୁଥିବାରୁ ଗତ ନିର୍ବାଚନ ସ୍ୱଚ୍ଛତା ସହ କରାଯାଇ ନାହିଁ । ପଶ୍ଚିମବଙ୍ଗର ଲୋକଙ୍କ ପ୍ରତି ଅନ୍ୟାୟ କରିଥିବାରୁ ମୋର ସଂଗ୍ରାମ ଶାସକ ଦଳ ବିରୋଧରେ ରହିବ, କାହା ବିପକ୍ଷରେ ନିର୍ବାଚନ ଲଢୁଛି ଜଣାନାହିଁ । କେବଳ ଏତିକି ଜାଣିଛି ମୁଁ ପଶ୍ଚିମବଙ୍ଗରେ ଘଟିଥିବା ହିଂସାର ନିପାତ ପାଇଁ ଆଗକୁ ଆସିଛି ।'
@ANI
