ଲକ୍ଷ୍ନୌ: ଆସନ୍ତାକାଲି ଅନୁଷ୍ଠିତ ହେବ ଉତ୍ତରପ୍ରଦେଶ ବିଧାନସଭା ନିର୍ବାଚନର ଷଷ୍ଠ ପର୍ଯ୍ୟାୟ ମତଦାନ । ଏନେଇ ଉତ୍ତରପ୍ରଦେଶ ନିର୍ବାଚନୀ କମିଶନଙ୍କ ପକ୍ଷରୁ ଷଷ୍ଠ ପର୍ଯ୍ୟାୟ ମତଦାନ ଲାଗି ସରିଛି ସମସ୍ତ ପ୍ରସ୍ତୁତି । ସେହିଭଳି ଭାରତୀୟ ଜନତା ପାର୍ଟି, ସମାଜବାଦୀ ପାର୍ଟି ଏବଂ ବିଏସପି(BSP) ପକ୍ଷରୁ ଭୋଟରଙ୍କୁ ଆକୃଷ୍ଟ କରିବା ଲାଗି ଗତକାଲି ସଂଧ୍ୟାରୁ ସରିଛି ନିର୍ବାଚନୀ ପ୍ରଚାର ।
ତେବେ ଆସନ୍ତାକାଲି ୫୭ଟି ଆସନ ପାଇଁ ୬୭୬ ଜଣ ପ୍ରାର୍ଥୀଙ୍କ ଭାଗ୍ୟ ପରୀକ୍ଷା ହେବାକୁ ଥିବାବେଳେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ପରୀକ୍ଷା ମଧ୍ୟ ଦେବେ ଅନ୍ୟପଟେ ଷଷ୍ଠ ପର୍ଯ୍ୟାୟ ମତଦାନ ହେବାକୁ ଥିବା ଜିଲ୍ଲା ଗୁଡିକ ହେଉଛି, ଆମ୍ବେଦକର ନଗର, ବଲରାମପୁର, ସିଦ୍ଧାର୍ଥ ନଗର, ବସ୍ତି, ସାନ୍ତ କବିର ନଗର, ମହାରାଜଗଞ୍ଜ, ଗୋରଖପୁର, କୁଷିନଗର, ଦେଓରିଆ ଏବଂ ବାଲ୍ଲିଆ । ଏଥିସହ ୨.୧୪ କୋଟି ଭୋଟର ଆସନ୍ତାକାଲି ନିଜର ମତ ସାବ୍ୟସ୍ତ କରିବେ ।
