ଲକ୍ଷ୍ନୌ: ଅଭିନୟରେ ଟପିଗଲା ଫିଲ୍ମ ଷ୍ଟାରଙ୍କୁ । ପ୍ରଥମେ ଅପହରଣ ପରେ ଟଙ୍କା ପାଇଁ ଫୋନ୍ । ସବୁ କିଛି ପ୍ରି ପ୍ଲାନରେ ହେଉଥିବା ବେଳେ ଅଧାରେ ଫସର ଫାଟିଗଲା । ଖୋଲିଗଲା ନିଜେ ନିଜକୁ ଅପହରଣ କରିବାର ମିଛ ଗୁମର । ଲକ୍ଷେ କି ଦୁଇ ଲକ୍ଷ ନୁହେଁ ପରିବାର ଲୋକଙ୍କ ପାଖରୁ 50 କୋଟିର ଦାବି କରି ଫସିଯାଇଛି ଜଣେ 15 ବର୍ଷର ବାଳକ । ମଙ୍ଗଳବାର ପୋଲିସ ଏବଂ ସ୍ପେଶାଲ ଟାସ୍କ ଫୋର୍ସ ଏସଟିଏଫ ତାଙ୍କୁ ଖୋଜିବା ପରେ ପାଇଛି ।
ବରିଷ୍ଠ ପୋଲିସ ଅଧୀକ୍ଷକ ଅଜୟ ସାହନି କହିଛନ୍ତି, "ବାଳକ ଜଣକ ତାଙ୍କ ପିତା, ସାବତ ମା ଏବଂ ଦୁଇ ଭଉଣୀଙ୍କ ସହ ରହୁଥିଲେ । ସେ ଏହି ଘଟଣାରେ ବିବ୍ରତ ହୋଇଥିଲେ, ଭଉଣୀମାନଙ୍କ ସହ ଘର ଛାଡି ଅନ୍ୟତ୍ର ରହିବାକୁ ଚାହୁଁଥିଲେ " ବାଳକ ଜଣକ ପାଖରୁ 9.31 ଲକ୍ଷ ଟଙ୍କା ଉଦ୍ଧାର କରାଯାଇଛି ।
ବାଳକ ଜଣକ ନିଜର ଅପହରଣର ଚକ୍ରବିହ୍ୟୁ ନିଜେ ରଚିଥିଲା । ଟଙ୍କା ପାଇଁ ତାଙ୍କ ଭଉଣୀକୁ ଏକ ମେସେଜ ପଠାଇଥିଲେ ଏବଂ ଏଥିପାଇଁ ଏକ ଚିଠି ମଧ୍ୟ ଛାଡିଥିଲା ବୋଲି ମେରଟ ଏସପି କହିଛନ୍ତି । ଶିଶୁ କଲ୍ୟାଣ ସମିତିକୁ ଏହି ଘଟଣା ସମ୍ପର୍କରେ ଅବଗତ କରାଯାଇଛି ଏବଂ ବାଳକକୁ କୋର୍ଟରେ ହାଜର କରାଯାଇଛି । ତାଙ୍କ ପିତାଙ୍କୁ ମଧ୍ୟ ପଚରାଉଚରା କରାଯାଉଛି ବୋଲି ମେରଟ ଏସଏସପି ସୂଚନା ଦେଇଛନ୍ତି ।
