ଲକ୍ଷ୍ନୌ: ବୁଲା ଗାଈଗୋରଙ୍କୁ ପୋଷ୍ୟ ଭାବେ ଗ୍ରହଣ କରିବା ସହ ରକ୍ଷଣାବେକ୍ଷଣ କଲେ ମାସିକ ୯ ଶହରୁ ୧ ହଜାର ଭତ୍ତା ପ୍ରଦାନ କରାଯିବ । ଆଜି (ବୁଧବାର) ଉତ୍ତରପ୍ରଦେଶର ଅମେଠୀରେ ଆୟୋଜିତ ଏକ ନିର୍ବାଚନ ସଭାରେ ଏହା କହିଛନ୍ତି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ । ସେହିପରି ଯଦି ଆମେ ପୁଣି ସରକାର କରୁ ତେବେ ରାଜ୍ୟରେ ବୁଲା ଗାଈଗୋରୁଙ୍କୁ ପୋଷ୍ୟ ଭାବରେ ଯେଉଁ କୃଷକ ଗ୍ରହଣ କରିବେ ତାଙ୍କୁ ମାସିକ ୯ ଶହରୁ ୧ ହଜାର ଟଙ୍କା ପ୍ରଦାନ କରାଯିବ ।
ଅନ୍ୟପଟେ ରାଜ୍ୟରେ ଚାଲିଥିବା ବେଆଇନ କଂସାଇଖାନାକୁ ସମ୍ପର୍ଣ୍ଣ ରୂପେ ବନ୍ଦ କରିବୁ ବୋଲି କହିଛନ୍ତି ଯୋଗୀ । ସେହିପରି ଗୋଟିଏ ବି ଗୋମାତାଙ୍କୁ ହତ୍ୟା ହେବାକୁ ଦେବି ନାହିଁ ବୋଲି ପ୍ରତିଶୃତି ଦେଇଛନ୍ତି ଯୋଗୀ । ଏଥିପାଇଁ ଗାଈଙ୍କୁ ପୋଷ୍ୟ ଭାବେ ଗ୍ରହଣ କରିବାପାଇଁ କୃଷକଙ୍କୁ ଅନୁରୋଧ କରିଛନ୍ତି ମୁଖ୍ୟମନ୍ତ୍ରୀ ।
