ଲକ୍ଷ୍ନୌ: ବିଧାନସଭା ନିର୍ବାଚନ ପ୍ରକ୍ରିୟାର ପଞ୍ଚମ ପର୍ଯ୍ୟାୟରେ ଫେବୃଆରୀ ୨୭ ରବିବାର ଦିନ ୧୨ ଟି ଜିଲ୍ଲାର ୬୧ ଟି ଆସନ ପାଇଁ ଭୋଟଗ୍ରହଣ ହେବ। ନିର୍ବାଚନ ପୂର୍ବରୁ ଆଜି ସନ୍ଧ୍ୟା ୬ ଟା ପରେ ନିର୍ବାଚନ ପ୍ରଚାର ସମ୍ପୂର୍ଣ୍ଣ ବନ୍ଦ ହୋଇଯିବ । ଆଜି ପ୍ରଚାରର ଶେଷ ଦିନରେ ସମସ୍ତ ରାଜନୈତିକ ଦଳ ସେମାନଙ୍କ ସପକ୍ଷରେ ମତଦାନ କରିବା ପାଇଁ ଭୋଟରଙ୍କୁ ଆକୃଷ୍ଟ କରୁଛନ୍ତି । ଏଥି ସହିତ ପଞ୍ଚମ ପର୍ଯ୍ୟାୟ ମତଦାନକୁ ଏକ ମୁକ୍ତ, ନିରପେକ୍ଷ, ସ୍ୱଚ୍ଛ ଏବଂ କୋଭିଡ ଜନିତ ସୁରକ୍ଷାକୁ ଦୃଷ୍ଚିରେ ରଖି ନିରାପଦ ଢଙ୍ଗରେ କରିବା ପାଇଁ ନିର୍ବାଚନ ଆୟୋଗ ଆବଶ୍ୟକୀୟ ପ୍ରସ୍ତୁତି ଏବଂ ବ୍ୟବସ୍ଥା ପାଇଁ ନିର୍ଦ୍ଦେଶ ଦେଇଛନ୍ତି ।
ପଞ୍ଚମ ପର୍ଯ୍ୟାୟରେ ରାଜ୍ୟର ୧୨ ଟି ଜିଲ୍ଲାର ୬୧ ଟି ବିଧାନସଭା ଆସନ ପାଇଁ ଭୋଟ୍ ଦେବାର ସମୟ ସକାଳ ୭ ଟାରୁ ୬ ଟା ପର୍ଯ୍ୟନ୍ତ ସ୍ଥିର ହୋଇଛି । ଆମେଥୀ, ରାଏବରେଲି, ସୁଲତାନପୁର, ଚିତ୍ରକୁଟ, ପ୍ରତାପଗଡ, କୌଶମ୍ବୀ, ପ୍ରୟାଗରାଜ, ବାରାବାଙ୍କି, ଅଯୋଧ୍ୟା, ବହରାଇଚ, ଶ୍ରାବସ୍ତି ଏବଂ ଗୋଣ୍ଡାର ବିଧାନସଭା ନିର୍ବାଚନରେ ଭୋଟ ଗ୍ରହଣ କରାଯିବ। ରାଏବରେଲିର ସଲୋନ(ସଂରକ୍ଷିତ) ବିଧାନସଭା ଆସନ ଏହି ପର୍ଯ୍ୟାୟରେ ଭୋଟ୍ ହେବ କାରଣ ଏହି ବିଧାନସଭା ନିର୍ବାଚନମଣ୍ଡଳୀର ଏକ ଅଂଶ ଆମେଥୀ ଲୋକସଭା ନିର୍ବାଚନମଣ୍ଡଳୀ ଅଧୀନରେ ଅଛି ।
ସନ୍ଧ୍ୟା ୬ ଟାରୁ ପଞ୍ଚମ ପର୍ଯ୍ୟାୟ ନିର୍ବାଚନ ପାଇଁ ପ୍ରଚାର ଉପରେ ସମ୍ପୂର୍ଣ୍ଣ ନିଷେଧାଦେଶ ରହିବ। ଜନ ପ୍ରତିନିଧିଙ୍କ ପକ୍ଷରୁ କରାଯାଉଥିବା ଅଭିଯାନ ବାଧ୍ୟତାମୂଳକ ଭାବରେ ବନ୍ଦ କରାଯିବ ଏବଂ ଏହି ନିଷେଧାଦେଶ ମତଦାନର ପଞ୍ଚମ ପର୍ଯ୍ୟାୟ ଶେଷ ହେବା ପର୍ଯ୍ୟନ୍ତ ଅର୍ଥାତ୍ ୪୮ ଘଣ୍ଟା ପର୍ଯ୍ୟନ୍ତ କାର୍ଯ୍ୟକାରୀ ହେବ।
ମୁଖ୍ୟ ନିର୍ବାଚନ ଅଧିକାରୀ ଅଜୟ କୁମାର ଶୁକ୍ଲା କହିଛନ୍ତି ଯେ ଫେବୃଆରୀ ୨୭ ରେ ଦିଆଯାଇଥିବା ନିର୍ବାଚନ ବିଜ୍ଞପ୍ତି ଅନୁଯାୟୀ, ୬୧ ଟି ବିଧାନସଭା ଆସନ ଯେଉଁଥିରେ ପଞ୍ଚମ ପର୍ଯ୍ୟାୟର ମତଦାନ ହେବ । ଏଥିରେ ୧୭୮-ଟିଲୋଇ, ୧୮୧-ସଲୋନ (ଏସସି), ୧୮୪-ଜଗଦୀଶପୁର, ୧୮୫-ଗୌରିଗଂଜ, ୧୮୬-ଆମେଥୀ, ୧୮୭-ଇସୌଲି, ୧୮୮-ସୁଲତାନପୁର, ୧୮୯-ସଦର, ୧୯୦-ଲମ୍ଭୁଆ,୧୯୧-କାଦିପୁର(ଏସ୍.ସି), ୨୩୬-ଚିତ୍ରକୁଟ, ୨୩୭- ମାଣିକପୁର, ୨୪୪-ରାମପୁର ଖାସ, ୨୪୫-ବାବାଗଞ୍ଜ (ଏସସି), ୨୪୬-କୁଣ୍ଡା, ୨୪୭-ବିଶ୍ୱନାଥ ଗଞ୍ଜ, ୨୪୮-ପ୍ରତାପଗଡ, ୨୪୯-ପାଟି, ୨୫୦-ରାନିଗଞ୍ଜ ।
ସେହିପରି ୨୫୧-ସିରାଥୁ, ୨୫୨-ମଝନପୁର (ଏସସି), ୨୫୩-ଚାୟଲ, ୨୫୪-ଫାଫାମଉ, ୨୫୫- ସୋରବ (ଏସସି), ୨୫୬-ଫୁଲପୁର, ୨୫୭-ପ୍ରତାପପୁର, ୨୫୮-ହଣ୍ଡିୟା, ୨୫୯-ମେଜା, ୨୬୦-କରଛନା, ୨୬୧-ପଶ୍ଚିମ ଆହ୍ଲାବାଦ, ୨୬୨- ଉତ୍ତର ଆହ୍ଲାବାଦ , ୨୬୩- ଦକ୍ଷିଣ ଆହ୍ଲାବାଦ , ୨୬୪-ବାରା (ଏସସି), ୨୬୫-କୋରବ (ଏସସି), ୨୬୬-କୁର୍ସି, ୨୬୭-ରାମ ନାଗର, ୨୬୮-ବାରାବଙ୍କି, ୨୬୯-ଜୈଦପୁର (ଏସସି), ୨୭୦-ଦାରିଆବାଦ, ୨୭୧-ରୁଦୌଲି, ୨୭୨ - ହୈଦରଗଡ (ଏସସି), ୨୭୩-ମିଲ୍କିପୁର (ଏସସି), ୨୭୪- ବିକାପୁର, ୨୭୫-ଅଯୋଧ୍ୟା, ୨୭୬-ଗୋସାଇଗଞ୍ଜ, ୨୮୨-ବଲହା (ଏସସି), ୨୮୩-ନାନପାରା, ୨୮୪-ମଟେରା, ୨୮୫-ମହସି, ୨୮୬- ବହରାଇଚ, ୨୮୭- ପୟାଗପୁର, ୨୮୮- କୈସରଙ୍ଗଜ, ୨୮୯-ଭିନଗା, ୨୯୦-ଶ୍ରବସ୍ତି, ୨୯୫-ମେହନୌନ, ୨୯୬- ଗୋଣ୍ଡା, ୨୯୭-କଟରା ବଜାର, ୨୯୮- କର୍ନଲଗଞ୍ଜ, ୨୯୯-ତରବଗଞ୍ଜ, ୩୦୦-ମନକାପୁର ଏବଂ ୩୦୧- ଗୌରା ବିଧାନସଭା ଆସନ । ଶୁକ୍ଲା କହିଛନ୍ତି ଯେ ପ୍ରତ୍ୟେକ ମତଦାନ ବୁଥରେ ଭୋଟରମାନେ କୌଣସି ପ୍ରକାରର ଅସୁବିଧାର ସମ୍ମୁଖୀନ ନହେବା ପାଇଁ ଉପଯୁକ୍ତ ବ୍ୟବସ୍ଥା କରିବାକୁ ପ୍ରଶାସନକୁ ଆବଶ୍ୟକ ନିର୍ଦ୍ଦେଶ ଦିଆଯାଇଛି।
ବ୍ୟୁରୋ ରିପୋର୍ଟ,ଇଟିଭି ଭାରତ
