ନୂଆଦିଲ୍ଲୀ: କୋରୋନା ସଂକ୍ରମଣ ବିରୋଧରେ ଭାରତକୁ ମିଳିଛି ବ୍ରିଟେନର ସାଥ୍ । ଭାରତକୁ 600 ମେଡିକାଲ ଉପକରଣ ପଠାଇବାକୁ ଘୋଷଣା କରିଛି ବ୍ରିଟେନ । ଏହା କୋରୋନା ବିରୋଧରେ ଲଢେଇରେ ହେବ ବ୍ୟବହୃତ ।
ରବିବାର ଭେଣ୍ଟିଲେଟର ଓ ଅକ୍ସିଜେନ ଉପକରଣ ୟୁକେରୁ ପଠାଯାଇଛି । ଏଗୁଡିକ ମଙ୍ଗଳବାର ଦିଲ୍ଲୀରେ ପହଞ୍ଚିବ ।
ଭାରତରେ ଚଳିତ ସପ୍ତାହରେ ଦେଖିବାକୁ ମିଳିଛି କୋରୋନାର ଭୟାବହତା । କିଛି ଦିନ ହେବ ଦୈନିକ 3 ଲକ୍ଷ ମାମଲା ସାମ୍ନାକୁ ଆସୁଛି । ଏହା ସହିତ 2 ହଜାରୁ ଅଧିକ ଲୋକଙ୍କର ହେଉଛି ମୃତ୍ୟୁ । ଏହି ସମୟରେ ଭାରତକୁ ଅନ୍ୟ ଦେଶରୁ ରହିଛି ସହଯୋଗର ଆବଶ୍ୟକତା ।
ଭାରତରେ କୋରୋନାର ଭୟାବହତା ମଧ୍ୟରେ ଦେଖାଦେଇଛି ଅକ୍ସିଜେନ ସଙ୍କଟ । ଆଉ ଏହି ସମୟରେ ଅକ୍ସିଜେନ ଓ ମେଡିକାଲ ଉପକରଣ ପଠାଇ ବ୍ରିଟେନ ବନ୍ଧୁ ଦେଶର ଉଦାହରଣ ଦେଇଛି ।
ସେପଟେ ଆମରେକା ମଧ୍ୟ ଭାରତକୁ କରିବ ସାହାଯ୍ୟ । କୋଭିସିଲ୍ଡ ଉତ୍ପାଦନ ପାଇଁ କଞ୍ଚାମାଲ ଯୋଗାଇବ ଆମେରିକା । ଏଏନଇ ଏନଏସଏ ଅଜିତ ଡୋଭାଲ ଓ ଆମେରିକା ଏନଏଲଏଙ୍କ ମଧ୍ୟରେ ହୋଇଛି ଆଲୋଚନା ।
