ନୂଆଦିଲ୍ଲୀ: ସୁଧୁରୁନି ପାକିସ୍ତାନ । ଜମାରୁ ବି ଚେତୁନି । ସୀମାରେ ବାରମ୍ବାର କରିଚାଲିଛି ଅସ୍ତ୍ରବିରତି ଉଲ୍ଲଙ୍ଘନ। ଯାହାର କଡା ଯବାବ ଦେଉଛନ୍ତି ଭାରତୀୟ ସେନା । ଅସ୍ତ୍ରବିରତି ଉଲ୍ଲଙ୍ଘନ ସମୟରେ ଗତକାଲି ଭାରତୀୟ ଯବାନଙ୍କ ଗୁଳିରେ ପୁଣି 2 ପାକିସ୍ତାନୀ ଯବାନଙ୍କର ମୃତ୍ୟୁ ହୋଇଛି ।
ଏଲଓସି ନିକଟ ନୌସେରା ସେକ୍ଟରରେ ପାକିସ୍ତାନ ଅସ୍ତ୍ରବିରତି ଉଲ୍ଲଙ୍ଘନ କରିଥିବାବେଳେ ଭାରତ ପକ୍ଷରୁ କଡା ଜବାବ ଦିଆଯାଇଥିଲା । ଯେଉଁଥିରେ ଦୁଇ ଜଣ ପାକିସ୍ତାନୀ ସୈନ୍ୟଙ୍କର ମୃତ୍ୟୁ ହୋଇଥିବା ସୂଚନା ମିଳିଛି । ଏହାପୂର୍ବରୁ ଡିସେମ୍ବର 10 ତାରିଖରେ ମଧ୍ୟ ଭାରତୀୟ ଯବାନଙ୍କ ଗୁଳିରେ 5 ପାକିସ୍ତାନୀ ଯବାନଙ୍କ ମୃତ୍ୟୁ ହୋଇଥିଲା ।
ଡିସେମ୍ବର 10 ତାରିଖରେ 3 ଜଣ ପାକିସ୍ତାନୀ ଯବାନ ଆହତ ହୋଇଥିବାର ସୂଚନା ମଧ୍ୟ ମିଳିଥିଲା । ସୂଚନାଥାଉକି, ଡିସେମ୍ବର 10ରେ ଜମ୍ମୁ ଓ କାଶ୍ମୀରର ପୁଞ୍ଚ ଜିଲ୍ଲା ଏଲଓସି(ପ୍ରକୃତ ନିୟନ୍ତ୍ରଣ ରେଖା) ନିକଟରେ ଗୁଳିବିନିମୟ ହୋଇଥିଲା । ପାକିସ୍ତାନ ପଟୁ ମାଙ୍କୋଟ ସେକ୍ଟରରେ ଗୁରୁବାର ରାତିରେ ଅସ୍ତ୍ରବିରତି ଉଲ୍ଲଙ୍ଘନ ହୋଇଥିଲା । ଏଥିରେ ଭାରତର ସାଧାରଣ ନାଗରିକଙ୍କ ଅନେକ କ୍ଷୟକ୍ଷତି ଘଟିଥିଲା ।
ତେବେ ଏହାର ଜବାବ ଦେବାକୁ ଯାଇ ଭାରତ ମଧ୍ୟ ଫାୟାରିଂ କରିଥିଲା । ଯେଉଁଥିରେ 5 ଜଣ ପାକିସ୍ତାନୀ ଯବାନଙ୍କର ମୃତ୍ୟୁ ହୋଇଥିବାବେଳେ 3 ଜଣ ଆହତ ହୋଇଥିଲେ । ଏହାସହ ପାକିସ୍ତାନର ଅନେକ ବଙ୍କର ମଧ୍ୟ ଧ୍ବଂସ ପାଇଥିଲା ।
