ହାଇଦ୍ରାବାଦ: ଉତ୍ତର ପ୍ରଦେଶ ମହାରାଜଗଞ୍ଜରେ ଭାରତ-ନେପାଳ ସୀମାରେ ଦୁଇ ଚୀନ ନାଗରିକଙ୍କୁ ଗିରଫ କରାଯାଇଛି (china citizens caught on Indo nepal border)। ଗତକାଲି (ଶୁକ୍ରବାର) ଦୁଇ ଜଣ ସନ୍ଦିଗ୍ଧ ଚୀନ୍ ନାଗରିକଙ୍କୁ ସଶସ୍ତ୍ର ସୀମା ବଳର ଯବାନମାନେ ଧରିଛନ୍ତି । ଉଭୟଙ୍କ ଠାରୁ ଚୀନ ପାସପୋର୍ଟ ଜବତ କରାଯାଇଛି ଓ ଉଭୟଙ୍କ ଭିସା ଅବଧି ଶେଷ ହୋଇସାରିଥିବା ଜଣାପଡିବା ପରେ ଉଭୟଙ୍କୁ ସ୍ଥାନୀୟ ପୋଲିସ ଗିରଫ କରି ଜେରା ଜାରି ରଖିଛି ।
ସ୍ଥାନୀୟ ମହାରାଜଗଞ୍ଜ ପୋଲିସର ସୂଚନା ଅନୁସାରେ, ଭାରତ-ନେପାଳ ସୋନାଉଲି ସୀମାରେ ବୁଲୁଥିବା ଏହି ଦୁଇ ଚୀନ୍ ନାଗରିକଙ୍କୁ ସୀମା ସଶସ୍ତ୍ର ବଳର ଯବାନମାନେ ଅଟକ ରଖି ଯାଞ୍ଚ କରିଥିଲେ (china citizens caught on Indo nepal border)। ଜଣଙ୍କ ନାମ ଜାଙ୍ଗ ୟିଙ୍ଗଜୁନ ଓ ଅନ୍ୟଜଣଙ୍କ ନାମ ଗୀତ ହୁଇ ବୋଲି ମିଳିଥିବା ପରିଚୟପତ୍ରରୁ ସ୍ପଷ୍ଟ ହୋଇଛି । ଉଭୟଙ୍କ ବୟସ ଯଥାକ୍ରମେ 50 ଓ 52 ବର୍ଷ । ସେମାନଙ୍କ ନିକଟରୁ ରିପବ୍ଲିକ ଚୀନର ପାସପୋର୍ଟ ମଧ୍ୟ ଜବତ କରାଯାଇଛି । ପରେ ସେମାନଙ୍କୁ ସ୍ଥାନୀୟ ପୋଲିସକୁ ହସ୍ତାନ୍ତର କରିଛି ସୁରକ୍ଷାବଳ ।
ଉଭୟଙ୍କ ଭିସା ଅବଧି ଶେଷ ହୋଇସାରିଥିବା ବେଳେ ସେମାନେ କାହିଁକି ଚୀନ ଫେରିନଥିଲେ ସେ ନେଇ ପ୍ରଶ୍ନ ସୃଷ୍ଟି ହୋଇଛି । ଗୁପ୍ତଚରି ଆଶଙ୍କାକୁ ମଧ୍ୟ ପୋଲିସ ତଦନ୍ତ ପରିସରକୁ ନେଇଛି । ସ୍ଥାନୀୟ ମହାରାଜଗଞ୍ଜ ପୋଲିସ ଇମିଗ୍ରେସନ ଏବଂ ଅନ୍ୟାନ୍ୟ ଅନୁସନ୍ଧାନକାରୀ ସଂସ୍ଥା ସହୟତାରେ ଉଭୟ ବିଦେଶୀ ନାଗରିକଙ୍କ ସମ୍ପର୍କରେ ତଥ୍ୟ ହାସଲ କରିବାକୁ ପ୍ରୟାସ ଜାରି ରଖିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
