ହାଇଦ୍ରାବାଦ: ବାଜି ପଲଟେଇଲା ଟ୍ବିଟର । ଭାରତର ଉପରାଷ୍ଟ୍ରପତି ଭେଙ୍କିୟା ନାଇଡୁଙ୍କ ଟ୍ବିଟର ଆକାଉଣ୍ଟରୁ ବ୍ଲୁ ବ୍ୟାଜ୍ ହଟାଇବାର କିଛି ସମୟ ପରେ ପୁଣି ଆକାଉଣ୍ଟକୁ ଭେରିଫାଏ ଅର୍ଥାତ ବ୍ଲୁ ବ୍ୟାଜ୍ ପ୍ରଦାନ କରିଛି । ତେବେ ଆଜି(ଶନିବାର) ସକାଳୁ ଟ୍ବିଟର ଉପରାଷ୍ଟ୍ରପତିଙ୍କ ଆକାଉଣ୍ଟରୁ ବ୍ଲୁ ବ୍ୟାଜ୍ ହଟାଇଦେଇଥିଲା ଟ୍ବିଟର ।
ଦୀର୍ଘ ବର୍ଷେ ହେବ ନିଜ ବ୍ୟକ୍ତିଗତ ଆକାଉଣ୍ଟରେ ଆକ୍ଟିଭ୍ ନଥିଲେ ଉପରାଷ୍ଟ୍ରପତି । ଏହାକୁ ନେଇ କିଛି ୟୁଜର୍ସଙ୍କ ସ୍କ୍ରିନସଟକୁ ଆଧାର କରି ଟ୍ବିଟର ବ୍ଲୁ ବ୍ୟାଜ୍ ହଟାଇଥିଲା ମାତ୍ର କିଛି ସମୟ ପରେ ପୁଣି ବ୍ଲୁ ବ୍ୟାଜ୍ ଥିବା ଦେଖିବାକୁ ମିଳିଥିଲା ।
ପ୍ରକାଶଥାଉକି, ଟ୍ବିଟର ଚାହିଁଲେ କୌଣସି ମୂହୁର୍ତ୍ତରେ ବ୍ଲୁ ବ୍ୟାଜ୍ ହଟାଇପାରିବ । ଯଦି ୟୁଜର ନାଁରେ ପରିବର୍ତ୍ତନ ହୁଏ କିମ୍ବା ଯଦି ଆକାଉଣ୍ଟ ଇନଆକ୍ଟିଭ୍ ଥିବ ତେବେ ବ୍ଲୁ ବ୍ୟାଜ୍ ହଟା ଯାଇପାରିବ । ପ୍ରାମାଣିକିକରଣ ସମୟରେ ୟୁଜର୍ ଯେଉଁ ଲୋକପ୍ରିୟ ସ୍ଥିତିରେ ଥିବ, ସେହି ସ୍ଥିତିରେ ଯଦି ପରେ ନ ରହିଲା ତଥାପି ବ୍ଲୁ ବ୍ୟାଜ୍ ହଟାଯାଇପାରିବ ।
ବ୍ୟୁରୋ ରିପୋର୍ଟ, ଇଟିଭି ଭାରତ
