ନୂଆଦିଲ୍ଲୀ: କେନ୍ଦ୍ର କୃଷି ଆଇନ ବିରୋଧରେ 22 ଦିନରେ ପହଞ୍ଚିଛି ଚାଷୀ ଆନ୍ଦୋଳନ । ଏହାରି ମଧ୍ୟରେ କୃଷି ଆଇନକୁ ନେଇ ଚାଷୀଙ୍କ ନାଁରେ ଚିଠି ଲେଖିଛନ୍ତି କେନ୍ଦ୍ର କୃଷିମନ୍ତ୍ରୀ ନରେନ୍ଦ୍ର ସିଂହ ତୋମାର । ଏହି ଚିଠିରେ କୃଷିମନ୍ତ୍ରୀ କୃଷି ସୁଧାର ଆଇନରେ କଣ ସବୁ ଲାଭ ରହିଛି ତାହା ଲେଖିଛନ୍ତି ।
-
आप विश्वास रखिये, किसानों के हितों में किये गए ये सुधार भारतीय कृषि में नए अध्याय की नींव बनेंगे, देश के किसानों को और स्वतंत्र करेंगे, सशक्त करेंगे। pic.twitter.com/bwA17HXph3
— Narendra Singh Tomar (@nstomar) December 17, 2020 " class="align-text-top noRightClick twitterSection" data="
">आप विश्वास रखिये, किसानों के हितों में किये गए ये सुधार भारतीय कृषि में नए अध्याय की नींव बनेंगे, देश के किसानों को और स्वतंत्र करेंगे, सशक्त करेंगे। pic.twitter.com/bwA17HXph3
— Narendra Singh Tomar (@nstomar) December 17, 2020आप विश्वास रखिये, किसानों के हितों में किये गए ये सुधार भारतीय कृषि में नए अध्याय की नींव बनेंगे, देश के किसानों को और स्वतंत्र करेंगे, सशक्त करेंगे। pic.twitter.com/bwA17HXph3
— Narendra Singh Tomar (@nstomar) December 17, 2020
କୃଷିମନ୍ତ୍ରୀଙ୍କ ଚିଠି ଅନୁଯାୟୀ ଆନ୍ଦୋଳନ କରୁଥିବା ଚାଷୀଙ୍କ ମଧ୍ୟରୁ କିଛି ଜଣ ଭ୍ରମ ସୃଷ୍ଟି କରିବାକୁ ଚେଷ୍ଟା କରୁଛନ୍ତି । କୃଷିମନ୍ତ୍ରୀ ଚିଠିରେ ଲେଖିଛନ୍ତି ଯେ ସେ ନିଜେ ଜଣେ ଚାଷୀ ଓ ଚାଷର ଚ୍ୟାଲେଞ୍ଜକୁ ମଧ୍ୟ ବୁଝନ୍ତି । କେନ୍ଦ୍ରରେ ମୋଦି ସରକାର ଗତ 6 ବର୍ଷରୁ ଚାଷୀଙ୍କୁ ସଶକ୍ତ କରିବା ପାଇଁ ପ୍ରୟାସ କରୁଛନ୍ତି ।
ଫସଲର ସର୍ବନିମ୍ନ ସହାୟତା ମୂଲ୍ୟ ଉପରେ କୃଷିମନ୍ତ୍ରୀ କହିଛନ୍ତି, ଏମଏସପି ଜାରି ରହିଛି ଓ ଆଗକୁ ମଧ୍ୟ ଚାଷୀଙ୍କୁ ଏମଏସପି ମିଳିବ । ସେ ଆହୁରି ମଧ୍ୟ କହିଛନ୍ତି, ଅନେକ କୃଷି ସଂଗଠନ କୃଷି ଆଇନର ସ୍ବାଗତ କରିଛନ୍ତି । ହେଲେ ଏହି ଆଇନକୁ ନେଇ କିଛି ଚାଷୀଙ୍କ ମନରେ ଭ୍ରମ ସୃଷ୍ଟି କରାଯାଇଛି, କିନ୍ତୁ ଜଣେ ଚାଷୀ ହିସାବରେ ତାଙ୍କର କର୍ତ୍ତବ୍ୟ ହେଉଛି ଯେ ଚାଷୀଙ୍କ ଆଶଙ୍କା ଓ ଦ୍ବନ୍ଦ ଦୂର କରାଯିବା ଉଚିତ ।
କୃଷିମନ୍ତ୍ରୀ କହିଛନ୍ତି, ନୂଆ କୃଷି ଆଇନ ଲାଗୁ ହେବା ପରେ ଏମଏସପି ଉପରେ ସରକାରୀ କ୍ରୟ ଗତ ସବୁ ରେକର୍ଡ ଭାଙ୍ଗି ଦେଇଛି । ହେଲେ ଏହା ପରେ ମଧ୍ୟ କିଛି ଜଣ ଏମଏସପି ବନ୍ଦ ହୋଇଯିବା ନେଇ ମିଥ୍ୟା ପ୍ରଚାର କରୁଥିବା କହିଛନ୍ତି କୃଷିମନ୍ତ୍ରୀ ।
କୃଷିମନ୍ତ୍ରୀ ନିଜ ଚିଠିରେ କୃଷି ଆଇନକୁ ନେଇ ପ୍ରଚାର ମିଥ୍ୟାର ଜବାବ ମଧ୍ୟ ଦେଇଛନ୍ତି । ରାଜନୈତିକ ସ୍ବାର୍ଥରେ ପ୍ରେରିତ ହୋଇ ଚାଷୀଙ୍କୁ ମିଛ କୁହାଯାଉଛି ଓ ଆଇନକୁ ନେଇ ଭ୍ରମ ସୃଷ୍ଟି କରାଯାଉଛି ବୋଲି ଲେଖିଛନ୍ତି ନରେନ୍ଦ୍ର ସିଂହ ତୋମାର ।
