ଭୋପାଳ: ମଧ୍ୟପ୍ରଦେଶରେ ଛତ୍ରପୁରରେ ଅଭାବନୀୟ ଘଟଣା । ଅସାବଧାନତା ହେତୁ ବୋରଓ୍ବେଲରେ ଖସିପଡିଲା ଦେଢବର୍ଷର ଶିଶୁକନ୍ୟା । ଦୀର୍ଘ ୧୦ ଘଣ୍ଟାପରେ ଉଦ୍ଧାର କଲା ଉଦ୍ଧାରକାରୀ ଟିମ୍ (18 months old divyanshi successfully rescued) । ବୋରଓ୍ବେଲର ଗଭୀରତା ୮୦ ଫୁଟ ହୋଇଥିବା ବେଳେ ଗତକାଲି ଦିନ ୩ଟା୩୦ ମିନିଟ ସମୟରେ ଶିଶୁ କନ୍ୟା ଜଣଙ୍କ ବୋରଓ୍ବେଲ ମଧ୍ୟରେ ପଡିଯାଇଥିଲେ । ଏହାପରେ ରାତି ୧ଟାରେ ତାଙ୍କୁ ଉଦ୍ଧାର କରାଯାଇ ହସ୍ପିଟାଲରେ ଭର୍ତ୍ତି କରାଯାଇଥିଲା । ବର୍ତ୍ତମାନ ତାଙ୍କ ସ୍ବାସ୍ଥ୍ୟବସ୍ଥା ଭଲ ଥିବା ଛତ୍ରପୁର ଜିଲ୍ଲାପାଳ ସୂଚନା ଦେଇଛନ୍ତି ।
ସୂଚନା ଅନୁଯାୟୀ ଗତକାଲି ଦେଢ ବର୍ଷର ଦିବ୍ୟାଂଶି ଘର ବାହାରେ ଖେଳୁଥିବା ସମୟରେ ହଠାତ ନିକଟ କ୍ଷେତରେ ଥିବା ବୋରଓ୍ବେଲରେ ଖସିପଡିଥିଲେ । ଏହାପରେ ଶିଶୁକନ୍ୟାଟିର କାନ୍ଦିବା ସ୍ବର ଶୁଣି ଘର ଲୋକେ ତାଙ୍କୁ ଖୋଜା ଖୋଜି କରିବାପରେ ବୋରଓ୍ବେଲରେ ପଡିଯାଇଥିବା ଜାଣିବାକୁ ପାଇଥିଲେ । ଏନେଇ ପୋଲିସକୁ ଖବର ଦେବା ପରେ ଘଟଣା ସ୍ଥଳରେ ପୋଲିସ ଓ SDRF ଟିମ୍ ପହଞ୍ଚି ତାଙ୍କୁ ଉଦ୍ଧାର କରିଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
