ଚେନ୍ନାଇ: ନିର୍ବାଚନ ଯେତେ ପାଖେଇ ଆସୁଛି ନିର୍ବାଚନୀ ମାହୋଲ ସେତେ ରୋଚକ ହେଉଛି । ନିର୍ବାଚନରେ ଭାଗନେଇଥିବା ଜଣେ ପ୍ରାର୍ଥୀ ଭୋଟ ହାତେଇବା ପାଇଁ ଜନତାଙ୍କୁ ପ୍ରତିଶୃତିର ପାହାଡରେ ପୋତି ଦେଇଛନ୍ତି । ଯେଉଁ ପ୍ରତିଶୃତି ଶୁଣି ସଭିଏଁ ଆବାକ ।
ସେ ହେଉଛନ୍ତି ଥୁଲାମ ଶ୍ରବଣମ । ସେ ମଦୁରାଇର ସାଉଥ ବିଧାନସଭା ଆସନର ସ୍ବାଧୀନ ପ୍ରାର୍ଥୀ ଭାବରେ ପ୍ରାର୍ଥୀ ପତ୍ର ଦାଖଲ କରିଛନ୍ତି । ନିଜେ ପ୍ରାର୍ଥୀ ଦାଖଲ ପରେ ନିଜର ପ୍ରଚାର କାର୍ଯ୍ୟ ଆରମ୍ଭ କରିଛନ୍ତ । ସେ ଲୋକଙ୍କ ପାଖକୁ ଯାଇ ନିଜ ପ୍ରତିଶୃତି ବିଷୟରେ ବୁଝାଉଛନ୍ତି ଓ ଭୋଟ ଦେବା ପାଇଁ ଲୋକଙ୍କୁ ଲୋଭନୀୟ ପ୍ରତିଶୃତି ଦେଉଛନ୍ତି । ବିଜୟୀ ହେଲା ପ୍ରତ୍ୟେକ ଘରକୁ ହେଲିକପ୍ଟର ସହ କାର, ତିନି ମୋହଲାର କୋଠା, ଜହ୍ନକୁ ବୁଲାଇ ନେବା ହେଉଛି ତାଙ୍କର ମୁଖ୍ୟ ପ୍ରତିଶୃତି ରହିଛି । ଏହାକୁ ନେଇ ଲୋକେ ତାଙ୍କୁ ଏହା ସବୁ କିଭଳି ସମ୍ଭବ ବୋଲି ପ୍ରଶ୍ନ କରୁଛନ୍ତି । ମୁଁ ମଧ୍ୟ ଉତ୍ତର ଦେଇ କହୁଛି ଏହା ସମ୍ଭବ କିନ୍ତୁ କିଛି ଅଧିକ ଖର୍ଚ୍ଚ କରିବା ପାଇଁ ପଡିବ ।
ସୂଚନାଥାଉକି ଦେଶର ପାଞ୍ଚଟି ରାଜ୍ୟ ସହ ତାମିଲନାଡୁରେ ମଧ୍ୟ ବିଧାନସଭା ନିର୍ବାଚନ ଅନୁଷ୍ଠିତ ହେଉଛି । ତାମିଲନାଡୁରୁ 234 ଟି ଆସନ ରହିଥିବାବେଳେ ଗୋଟିଏ ପର୍ଯ୍ୟାୟର ନିର୍ବାଚନ ଅନୁଷ୍ଠିତ ହେବ । ମେ 2 ରେ ଫଳାଫଳ ଘୋଷଣା କରାଯିବ ।
@ANI
