ଲକ୍ଷ୍ନୌ: ଟ୍ରେନ ଆଗକୁ ଡେଇଁଲେ ଉତ୍ତରପ୍ରଦେଶର ଏକ ପ୍ରତିଷ୍ଠିତ ବିଦ୍ୟାଳୟର ନବମ ଶ୍ରେଣୀ ଛାତ୍ର । ଛାତ୍ର ଜଣକ କ୍ଷମା ମାଗିବା ପରେ ଟ୍ରେନ ଆଗକୁ ଡେଇଁଥିବା ଜଣାପଡ଼ିଛି (Student jumps in front of train after apologizing for mistake)। ଛାତ୍ର ଟ୍ରେନ୍ ଧକ୍କାରେ ଆହତ ଛାତ୍ରଙ୍କୁ ତୁରନ୍ତ ଲୋହିଆ ହସ୍ପିଟାଲରେ ଭର୍ତ୍ତି କରାଯାଇଥିଲା । ସେଠାରୁ ବିଳମ୍ବିତ ରାତିରେ ତାଙ୍କୁ କମାଣ୍ଡ ହସ୍ପିଟାଲକୁ ନିଆଯାଇଛି । ଯେଉଁଠାରେ ତାଙ୍କର ଚିକିତ୍ସା ଜାରି ରହିଥିବା ବେଳେ ଛାତ୍ରଙ୍କ ଅବସ୍ଥା ଗୁରୁତର ଥିବା ଜଣାପଡ଼ିଛି ।
ପୋଲିସ ଘଟଣାସ୍ଥଳରେ ଛାତ୍ରଙ୍କ ସ୍କୁଲ ବ୍ୟାଗ ଏବଂ ଏକ ଚିଠି ଜବତ କରିଛି । ଏହି ଚିଠିରେ ଛାତ୍ର ଜଣକ ନିଜ ଶ୍ରେଣୀ ଶିକ୍ଷକଙ୍କ ସମ୍ପର୍କରେ ରଖିଥିବା ବେଳେ ତାଙ୍କର କୌଣସି ଭୁଲ ପାଇଁ କ୍ଷମା ମାଗିଛନ୍ତି । ଇନ୍ସପେକ୍ଟର ଗୋମଟିନଗର କହିବା ଅନୁଯାୟୀ, ବିଳମ୍ବିତ ରାତିରେ ପୋଲିସ ରେଳବାଇ ଟ୍ରାକ ନିକଟରେ ଜଣେ ଛାତ୍ର ଆହତ ହୋଇଥିବାର ସୂଚନା ପାଇଥିଲା । ସଙ୍ଗେ ସଙ୍ଗେ ଆହତ ଛାତ୍ରଙ୍କୁ ଲୋହିଆ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ଏହା ପରେ ଛାତ୍ରଙ୍କ ପରିବାର ସଦସ୍ୟ ତାଙ୍କୁ କମାଣ୍ଡ ହସ୍ପିଟାଲକୁ ନେଇଛନ୍ତି ।
ଛାତ୍ରଙ୍କ ବ୍ୟାଗରୁ ଏକ ଚିଠିର ଫଟୋ କପି ମିଳିଥିଲା ଯେଉଁଥିରେ ବିଦ୍ୟାଳୟର ଶ୍ରେଣୀ ଶିକ୍ଷକଙ୍କୁ କ୍ଷମା ମାଗିଥିଲେ । ଛାତ୍ର ଜଣକ ଇଂରାଜୀ ଭାଷାରେ ଲେଖିଥିଲେ । ଛାତ୍ରଙ୍କ ବ୍ୟାଗରେ ମିଳିଥିବା ଚିଠିରେ ଇଂରାଜୀରେ ଲେଖା ଅଛି ଯେ 'ମୁଁ କରିଥିବା ଭୁଲକୁ ମୁଁ ଅନୁଭବ କରିଛି, ଏଥିପାଇଁ ମୁଁ ମା'ଙ୍କୁ କ୍ଷମା ମାଗୁଛି। ମୁଁ ପ୍ରତିଜ୍ଞା କରୁଛି ଏହା ଆଉ ହେବ ନାହିଁ । ଛାତ୍ର କାହିଁକି ଏସବୁ ଲେଖିଛନ୍ତି ସେ ସମ୍ପର୍କରେ ତଦନ୍ତ ଚାଲିଥିବା ଇନ୍ସପେକ୍ଟର କହିଛନ୍ତି । ଏହାର ଅନୁସନ୍ଧାନ କରାଯାଉଛି। ଛାତ୍ରଙ୍କ ଅନ୍ୟ ସାଥୀଙ୍କଠାରୁ ମଧ୍ୟ ସୂଚନା ଦିଆଯିବ ।
