ଶ୍ରୀନଗର: ଘାଟିରେ ଜାରି ରହିଥିବା ଆତଙ୍କୀ ବିରୋଧୀ ଅଭିଯାନରେ ପୁଣି ସେନାକୁ ସଫଳତା । ସେନା ଗୁଳିରେ ନପାତ ହୋଇଛନ୍ତି ଆଉ 2 ଆତଙ୍କୀ । ଆଜି(ସୋମବାର) ଶ୍ରୀନଗରର ହାଇଦରପୋରା ଅଞ୍ଚଳରେ ହୋଇଥିବା ଏହି ଅପରେସନରେ ସେନା ଗୁଳିରେ ଦୁଇ ଆତଙ୍କୀ ଟଳିଥିବା ସେନା ପକ୍ଷରୁ ଟ୍ୱିଟ ଯୋଗେ ସୂଚନା ଦିଆଯାଇଛି ।
ଜଣେ ବରିଷ୍ଠ ଅଧିକାରୀଙ୍କ କହିବାନୁସାରେ, ଆତଙ୍କୀ ଗତିବିଧି ନେଇ ଗୁଇନ୍ଦା ସୂଚନା ମିଳିବା ପରେ ଉକ୍ତ ଅଞ୍ଚଳରେ ଅପରେସନ ଆରମ୍ଭ କରିଥିଲା ସୁରକ୍ଷା ବାହିନୀ । ସନ୍ଧ୍ୟା ପ୍ରାୟ 6.30 ସମୟରେ ଆତଙ୍କୀଙ୍କ ସହ ଯବାନଙ୍କ ସାମ୍ନାସାମ୍ନି ହେବା ସହ ଗୁଳି ବିମିମୟ ଆରମ୍ଭ ହୋଇଥିଲା। ଏଥିରେ ଦୁଇ ଆତଙ୍କୀଙ୍କୁ ନିପାତ କରିବାରେ ସେନା ସଫଳ ହୋଇଛି । ଘଟଣାସ୍ଥଳରୁ କିଛି ଜୀବନ୍ତ ଗୁଳି ସହ ଗୋଟିଏ AK-47 ରାଇଫଲ ମଧ୍ୟ ଉଦ୍ଧାର କରାଯାଇଥିବା ସେନା କହିଛି । ନିହତ 2ଆତଙ୍କୀ କେଉଁ ଗୋଷ୍ଠୀ ସହ ଜଡିତ ଥିଲେ ତାହା ସ୍ପଷ୍ଟ ହୋଇ ନଥିବାବେଳେ ତଦନ୍ତ ଜାରି ରହିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
