ନୂଆଦିଲ୍ଲୀ: ମହାମାରୀ କୋରୋନା ସହିତ ଯୁଦ୍ଧ ଲଢୁଥିବା ଭାରତକୁ ଏବେ ଭ୍ୟାକ୍ସିନ ଭରସା । ଦେଶରେ ଏବେ 2 ଟିକା ଉପଲବ୍ଧ ରହିଛି । ତେବେ ଖୁବ ଶିଘ୍ର ଭାରତକୁ ମିଳିବ ଆଉ ଏକ ଟିକା ।
କୋରୋନାର କାୟା ବିସ୍ତାର ମଧ୍ୟରେ ଭାରତକୁ ଆସୁଛି ସ୍ପୁଟନିକ ଭି ଭ୍ୟାକ୍ସିନକୁ ଜରୁରୀକାଳୀନ ବ୍ୟବହାର ପାଇଁ ମିଳିଛି ମଞ୍ଜୁରୀ । ଏନେଇ ଭ୍ୟାକ୍ସିନ ମଞ୍ଜୁରୀ ବିଷୟରେ ସବଜେକ୍ଟ ଏକ୍ସପର୍ଟ କମିଟିର ବୈଠକ ହୋଇଥିଲା । ବର୍ତ୍ତମାନ ଡ୍ରଗ୍ କଣ୍ଟ୍ରୋଲର୍ ଅଫ୍ ଇଣ୍ଡିଆ (DCGI)ର ଆନୁଷ୍ଠାନିକ ଅନୁମୋଦନ ଆବଶ୍ୟକ ହେବ ।
ନିକଟରେ ଭାରତ ଗସ୍ତରେ ଆସିଥିବା ଋଷର ବୈଦେଶିକ ମନ୍ତ୍ରୀ କହିଥିଲେ ଯେ ସ୍ପୁଟନିକ ଭି ଟିକାର 70 କୋଟି ଡୋଜ ଉତ୍ପାଦନ ପାଇଁ ଋଷ ପକ୍ଷ ଭାରତୀୟ କମ୍ପାନୀ ସହ ଚୁକ୍ତି କରିଛନ୍ତି । ବର୍ତ୍ତମାନ ଏହି ଟିକାକୁ ଅନୁମୋଦନ ମିଳିବ ।
