କୋଲକାତା: ଅମିତ ଶାହାଙ୍କୁ ସାକ୍ଷାତ କରିବେନି ସୌରଭ ଗାଙ୍ଗୁଲି । ମିଡିଆରେ ଚାଲିଥିବା ଏହି ଗୁଜବକୁ ଖଣ୍ଡନ କଲେ ଗାଙ୍ଗୁଲି । ସେ କହିଛନ୍ତି, ଅମିତ ଶାହାଙ୍କ ସହ ସାକ୍ଷାତ କରିବେନି । ସେ ଦିଲ୍ଲୀ ଜିଲ୍ଲା କ୍ରିକେଟ ଆସୋସିଏସନ୍ ଯାଉଥିବା କହିଛନ୍ତି ।
କୋଲାକାତା ରାଜ୍ୟପାଳଙ୍କ ସାକ୍ଷାତ ପରେ ସମସ୍ତେ ଏହି ଆକଳନ ଲଗାଉଥିଲେ କି ଗାଙ୍ଗୁଲି ଆଜି ଦିଲ୍ଲୀ ଗସ୍ତରେ ଯାଇ ଶାହାଙ୍କୁ ସାକ୍ଷାତ କରିବେ । ଏହାପରେ ଗାଙ୍ଗୁଲିଙ୍କ ବିଜେପିରେ ସାମିଲ ହେବା ଆଲୋଚନା ତୀବ୍ର ହେବାରେ ଲାଗିଲା । ତେବେ ସୌରଭଙ୍କ ମନ୍ତବ୍ୟ ପରେ ଏହି ସମସ୍ତ କଳ୍ପନାଜଳ୍ପନାର ଅନ୍ତ ହୋଇଛି । ସେ କେବଳ ଅରୁଣ ଜେଟଲୀ ସମ୍ବନ୍ଧୀୟ କାର୍ଯ୍ୟକ୍ରମରେ ଯୋଗ ଦେବେ ।
ପ୍ରକାଶଥାଉକି, ଦିଲ୍ଲୀର ଅରୁଣ ଜେଟଲୀ ଷ୍ଟାଡିୟମରେ ଅରୁଣ ଜେଟଲୀଙ୍କ ପ୍ରତିମୂର୍ତ୍ତି ଉନ୍ମୋଚିତ ହେବ । ଜେଟଲୀ ଦିଲ୍ଲୀ ଜିଲ୍ଲା କ୍ରିକେଟ ଆସୋସିଏସନରେ ଚେୟାରମ୍ୟାନ ଭାବରେ କାର୍ଯ୍ୟ କରିଥିଲେ । ତେବେ ପ୍ରତିମୂର୍ତ୍ତି ଉନ୍ମୋଚନ କାର୍ଯ୍ୟକ୍ରମରେ ଅମିତ ଶାହା ମଧ୍ୟ ଯୋଗ ଦେବେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
