ମୁମ୍ବାଇ: ପ୍ରବଳ ଗ୍ରୀଷ୍ମ ଉତ୍ତାପ ପରେ ବର୍ଷାର ଆଗମନ ମନକୁ ଏବଂ ଶରୀରକୁ ଶୀତଳ ପ୍ରଦାନ କରିଥାଏ। ମୌସୁମୀର ପ୍ରଥମ ବର୍ଷାର ମଜା କିଛି ଅଲଗା। ଆଉ ଏହାର ଭରପୁର ମଜା ଉଠାନ୍ତି ଯୁବପିଢ଼ୀ । ମହାରାଷ୍ଟ୍ରର ନାଶିକ ଜିଲ୍ଲାରେ ଏଭଳି କିଛି ଦେଖିବାକୁ ମିଳିଛି । କିଛି ଯୁବକ ରାସ୍ତା ଉପରେ ଖୁସି ହୋଇ ନାଚୁଥିବାର ଭିଡ଼ିଓ ସୋସିଆଲ ମିଡିଆରେ ଭାଇରାଲ ହୋଇଛି।
ରାସ୍ତା ଉପରେ ନାଗିନ ଡାନ୍ସରେ ଝୁମିଲେ ଯୁବଗୋଷ୍ଠୀ
ଭାଇରାଲ ହୋଇଥିବା ଭିଡ଼ିଓରେ ବର୍ଷା ସମୟରେ କିଛି ବାଇକ ଆରୋହୀ ରାସ୍ତାରେ ଯାଉଛନ୍ତି । ଏହି ସମୟରେ ଏକ ଟ୍ରକଟି ଲୋକପ୍ରିୟ ଗୀତ "ନାଗିନ"ର ଉଚ୍ଚ ହର୍ଣ୍ଣ ମାରି ଅତିକ୍ରମ କରୁଛି । ବାଇକ ଆରୋହୀମାନେ ହଠାତ ରାସ୍ତାକଡ଼ରେ ଗାଡ଼ି ରଖି ନାଚିବାକୁ ଲାଗିଲେ। ରାସ୍ତା ଉପରେ ଯୁବକମାନଙ୍କ ନାଚ ଅତି କୌତୁହଳ ଥିଲା । ଏହି ଦୃଶ୍ୟର ଭିଡ଼ିଓ ଏବେ ସୋସିଆଲ ମିଡ଼ିଆରେ ଭାଇରାଲ ହୋଇଛି । ଅନେକ ଲୋକେ ଏହି ଭିଡ଼ିଓକୁ ପସନ୍ଦ କରିଛନ୍ତି।
ବ୍ୟୁରୋ ରିପୋର୍ଟ, ଇଟିଭି ଭାରତ
