ରାଞ୍ଚି: ଝାଡଖଣ୍ଡର ପଶ୍ଚିମ ସିଂହଭୂମି ଜିଲ୍ଲାରେ ସଫ୍ଟୱୟାର ଇଞ୍ଜିନିୟରଙ୍କୁ ଗଣଦୁଷ୍କର୍ମ ମାମଲାରେ ରାଜ୍ୟ ପୋଲିସ ବିଭାଗ ତତ୍ପାରତା ଦେଖାଇଛି । ଘଟଣାର ତଦନ୍ତ ପାଇଁ ସ୍ବତନ୍ତ୍ର ଅନୁସନ୍ଧାନକାରୀ ଟିମ (SIT) ଗଠନ କରାଯାଇଛି (jharkhand software engineer gang rape case)। ଆଜି ଏହି ଟିମ ଘଟଣାସ୍ଥଳ ପରିଦର୍ଶନ କରି ପ୍ରାମଣ ସଂଗ୍ରହ କରିଛି । ଅଭିଯୁକ୍ତଙ୍କୁ ଗିରଫ କରିବା ପାଇଁ ବିଭିନ୍ନ ସ୍ଥାନରେ ଚଢାଉ ମଧ୍ୟ ଜାରି ରହିଥିବା ସ୍ଥାନୀୟ ଏସ.ପି ଆଶୁତୋଷ ଶେଖର ସୂଚନା ଦେଇଛନ୍ତି ।
ଝାଡଖଣ୍ଡର ଏହି ୨୬ ବର୍ଷୀୟା ମହିଳା ସଫ୍ଟୱୟାର ଇଞ୍ଜିନିୟରଙ୍କୁ ୧୦ ଜଣ ଯୁବକ ଗଣଦୁଷ୍କର୍ମ କରିଥିବା ଅଭିଯୋଗ ହୋଇଥିଲା । ଯୁବତୀଜଣଙ୍କ ନିଜ ବନ୍ଧୁଙ୍କ ସହ ବାହାରକୁ ବୁଲି ଯାଇଥିବା ବେଳେ ଗଣଦୁଷ୍କର୍ମର ଶିକାର ହୋଇଥିଲେ (Software engineer gang raped in Jharkhand)। ପୀଡିତାଙ୍କ ଅଭିଯୋଗ ଆଧାରରେ ପୋଲିସ ମାମଲା ରୁଜୁ କରି ଅଭିଯୁକ୍ତଙ୍କୁ ଧରିବାକୁ ପ୍ରକ୍ରିୟା ଆରମ୍ଭ କରିଥିଲା । ତେବେ ଘଟଣାର ଗମ୍ଭୀରତାକୁ ଦେଖି ଏସଆଇଟି ଗଠନ କରିଛନ୍ତି ସ୍ଥାନୀୟ ପୋଲିସ ଅଧୀକ୍ଷକ ।
ଏହା ମଧ୍ୟ ପଢନ୍ତୁ:-ଝାଡଖଣ୍ଡରେ ଲଜ୍ଜା, ମହିଳା ସଫ୍ଟୱେୟାର ଇଞ୍ଜିନିୟରଙ୍କୁ ୧୦ ଯୁବକଙ୍କ ଗଣଦୁଷ୍କର୍ମ
ସୂଚନା ଅନୁଯାୟୀ, ଗତ ୨୦ ତାରିଖରେ ଝାଡଖଣ୍ଡ ପଶ୍ଚିମ ସିଂହଭୂମି ଜିଲ୍ଲାର ଚାଇବାସା ଅଞ୍ଚଳରେ ଏହି ପାଶବିକତା ଘଟିଛି । ପୀଡିତା ଜଣକ ଏକ କମ୍ପାନୀରେ ସଫ୍ଟୱୟାର ଇଞ୍ଜିନିୟର ଭାବେ କାର୍ଯ୍ୟ କରନ୍ତି । ବର୍ତ୍ତମାନ ତାଙ୍କର ୱାର୍କ ଫ୍ରମ୍ ହୋମ୍ ଚାଲିଥିବା ବେଳେ ସେ ଘରେ ରହୁଥିଲେ । ଗତ ୨୦ ତାରିଖ ସନ୍ଧ୍ୟା ୬ଟା ବେଳେ ସେ ନିଜ ସାଙ୍ଗ ସହ ସ୍କୁଟିରେ ବାହାରକୁ ବୁଲିବାକୁ ଯାଇଥିଲେ । ଦୁଇ ବନ୍ଧୁ ରାସ୍ତାକଡରେ ଛିଡା ହୋଇ କଥା ହୋଇଥିବା ବେଳେ, ୧୦ ଜଣ ଯୁବକ ସେଠାକୁ ଆସି ଯୁବତୀଙ୍କୁ ଜଙ୍ଗଲକୁ ଉଠାଇ ନେଇ ନିସ୍ତୁକ ମାଡ ମାରିବା ସହ ଗଣଦୁଷ୍କର୍ମ କରିବା ପରେ ମୁର୍ମୁଷୁ ଅବସ୍ଥାରେ ଫିଙ୍ଗି ଦେଇ ଚାଲିଯାଇଥିଲେ ।
ଏହାପରେ ପୀଡିତା କୌଣସି ପ୍ରକାରେ ସେଠାରୁ ନିଜର ଘରକୁ ଫେରିବାକୁ ସକ୍ଷମ ହୋଇଥିଲେ । ପରିବାର ସଦସ୍ୟ ଘଟଣା ସମ୍ପର୍କରେ ଜାଣିବା ପରେ ପୋଲିସରେ ଅଭିଯୋଗ କରିଥିଲେ । ଏତଲା ଆଧାରରେ ପୋଲିସ ତଦନ୍ତ ଆରମ୍ଭ କରିଥିବା ବେଳେ ପରେ ଏସଆଇଟି ଗଠନ ହୋଇ ମାମଲାର ତଦନ୍ତ ଜାରି ରହିଛି । ଖୁବଶୀଘ୍ର ସମସ୍ତ ଅଭିଯୁକ୍ତଙ୍କୁ ଧରିବାରେ ପୋଲିସ ସଫଳ ହେବା ନେଇ ସ୍ଥାନୀୟ ଏସ.ପି କହିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
