ଅମୃତସର: ପୋଲିସକୁ ସଫଳତା । ପ୍ରାୟ 16 ଜଣ ଗ୍ୟାଙ୍ଗଷ୍ଟାରଙ୍କୁ ଏକାଥରକେ ଗିରଫ କରିଛି ପୋଲିସ । ଯାହା ପୋଲିସ ପାଇଁ ଏକ ବଡ଼ ଚ୍ୟାଲେଞ୍ଜ ଥିଲା । କେବଳ ଏତିକି ନୁହେଁ, ଗିରଫ ହୋଇଥିବା ଗ୍ୟାଙ୍ଗଷ୍ଟାରଙ୍କ ଠାରୁ 6 ଟି ରାଇଫଲ ଏବଂ 7 ଟି ବନ୍ଧୁକ ଜବତ କରାଯାଇଛି ।
ଏ ସମ୍ପର୍କରେ ସୂଚନା ଦେଇ ଏସପି ମନୋଜ କୁମାର କହିଛନ୍ତି ଯେ ଏହି ଗ୍ୟାଙ୍ଗଷ୍ଟାରଙ୍କୁ ସ୍ଥାନୀୟ ଏକ ଢ଼ାବାରୁ ଗିରଫ କରାଯାଇଛି । ଏମାନେ ଅମୃତସର ସହରରେ କିଛି ବଡ଼ ଘଟଣା ଘଟାଇବା ପାଇଁ ଷଡ଼ଯନ୍ତ୍ର କରୁଥିଲେ । ଗ୍ୟାଙ୍ଗଷ୍ଟାରଙ୍କ ପାଖରୁ ବନ୍ଧୁକ ଏବଂ ନାନା ମାରଣାସ୍ତ୍ର ଜବତ କରାଯାଇଛି । ଗିରଫ ଅଭିଯୁକ୍ତଙ୍କ ଉପରେ ଧାରା ୩୦୨, ୩୦୭ର ମାମଲା ରୁଜୁ କରାଯାଇ ସମସ୍ତ ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯିବ ।
ବ୍ୟୁରୋ ରିପୋର୍ଟ, ଇଟିଭି ଭାରତ
