ଜୟପୁର: ମର୍ମନ୍ତୁଦ ସଡକ ଦୁର୍ଘଟଣାରେ 6 ଜଣଙ୍କ ମୃତ୍ୟୁ । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । ରାଜସ୍ଥାନର ଡଙ୍ଗିଆଓ୍ବାସ ପୋଲିସ ଷ୍ଟେସନ ଅନ୍ତର୍ଗତ ଜୟପୁର ରାଜପଥରେ ଏକ ଭୟଙ୍କର ସଡ଼କ ଦୁର୍ଘଟଣା ଘଟିଛି। ଏହି ଦୁର୍ଘଟଣା ଏତେ ଭୟଙ୍କର ଥିଲା ଯେ ଘଟଣାସ୍ଥଳରେ ଦୁଇ ଜଣଙ୍କ ଅଙ୍ଗ କାଟି ଯାଇଥିବା ଜଣାପଡିଛି ।
ସୂଚନାନୁସାରେ,ରାଜସ୍ଥାନର ବେଓ୍ବାରକୁ ଯାଉଥିବା ଏକ ବୋଲେରୋ ଟ୍ରେଲରକୁ ଧକ୍କା ଦେଇଥିଲା । ଓଭରଟେକ୍ ହେତୁ ବୋଲେରୋ ରାତିରେ ଟ୍ରଲର ସହିତ ମୁହାଁମୁହିଁ ହୋଇଥିଲେ । ବୋଲେରୋଟି ଦ୍ରୃତ ଗତିରେ ଯାଉଥିବାରୁ ଏହି ଦୁର୍ଘଟଣା ଘଟିଛି । ଫଳରେ ଘଟଣାସ୍ଥଳରେ 3 ଜଣଙ୍କର ମୃତ୍ୟୁ ଘଟିଥିଲା । ଅନ୍ୟ ଚାରି ଗୁରୁତରଙ୍କୁ ମେଡିକାଲରେ ଭର୍ତ୍ତି କରାଯାଇଥିଲା । ହେଲେ ଚିକିତ୍ସାଧିନ ଅବସ୍ଥାରେ ବିଳମ୍ବିତ ରାତିରେ 2 ଜଣଙ୍କର ମୃତ୍ୟୁ ହୋଇଥିବା ବେଳେ ସୋମବାର ସକାଳେ ଅନ୍ୟ ଜଣଙ୍କର ମୃତ୍ୟୁ ଘଟିଛି ।
ତେବେ, ବୋଲେରୋଟିରେ 7 ଜଣ ଲୋକ ଥିବା ଜଣାପଡିଛି । ଆମ୍ବୁଲାନ୍ସର ବିଳମ୍ବରେ ପହଞ୍ଚିବାରୁ ଆହତମାନେ ମଧ୍ୟ ଠିକ୍ ସମୟରେ ଚିକିତ୍ସା ପାଇପାରି ପାରି ନଥିବା ଅଭିଯୋଗ ହୋଇଛି ।
ବ୍ୟୁରୋ ରିପୋର୍ଟ,ଇଟିଭି ଭାରତ
