ସୋପିଆନ: ଆଜି ଜମ୍ମୁ-କାଶ୍ମୀରର ସୋପିଆନର ରାୱଲପୋରରେ ଏନକାଉଣ୍ଟର । ସୁରକ୍ଷାକର୍ମୀଙ୍କ ଗୁଳିରେ ଜଣେ ଆତଙ୍କବାଦୀ ସଫା । ସର୍ଚ୍ଚ ଅପରେସନ ଜାରି । ଏନେଇ କାଶ୍ମୀର ଜୋନ ପକ୍ଷରୁ ଟ୍ବିଟ କରି ସୂଚନା ଦେଇଛନ୍ତି । ଏନକାଉଣ୍ଟର ଆରମ୍ଭ ହେବା ମାତ୍ରେ ଇଣ୍ଟରସେବାକୁ ବନ୍ଦ କରି ଦିଆଯାଇଛି । ଉକ୍ତ ଅଞ୍ଚଳରେ ଆହୁରି 2ରୁ 3 ଜଣ ଆତଙ୍କବାଦୀ ଲୁଚି ରହିଥିବା ଜଣାପଡିଛି ।
ଏହା ପୂର୍ବରୁ ଶନିବାର ରାୱଲପୋର ଅଞ୍ଚଳରେ ଏନକାଉଣ୍ଟର ହୋଇଥିଲା । ରାତି ଯୋଗୁଁ ଏନକାଉଣ୍ଟରକୁ ବନ୍ଦ ରଖାଯାଇଥିଲା । ଆଜି ସକାଳୁ ପୁଣି ଗୁଳିବିନିୟମ ଆରମ୍ଭ ହୋଇଥିଲା । ଗତ 11 ତାରିଖରେ ଅନନ୍ତନାଗ ଜିଲ୍ଲାରେ ଜୈଶ-ଏ-ମହମ୍ମଦର 2 ଜଣ ଆତଙ୍କବାଦୀ ନିହତ ହୋଇଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
