ନୂଆଦିଲ୍ଲୀ: ପୁଣି ଏକାଠି ହେବେ ବିରୋଧୀ । ଏଥର ଏନସିପି ନେତା ଶରଦ ପାଓ୍ବରଙ୍କ ନେତୃତ୍ବରେ ବିରୋଧୀ ଏକାଠି ହୋଇ ନିର୍ବାଚନ ଆୟୋଗଙ୍କ ରୁରାଲ ଇଭିଏମର ବ୍ୟବହାର ପ୍ରସ୍ତାବ ଉପରେ ଆଲୋଚନା କରିବେ । ଆସନ୍ତାକାଲି ସଂଧ୍ୟା ପ୍ରାୟ 6ଟାରେ ଶରଦ ପାଓ୍ବରଙ୍କ ବାସଭବନରେ ଏକାଧିକ ବିରୋଧୀ ଦଳର ନେତା ଏକାଠି ହେବାକୁ ଯାଉଛନ୍ତି । ଏହି ବୈଠକରେ ଏକାଧିକ ବିରୋଧୀ ଦଳର ଫ୍ଲୋର ଲିଡରଙ୍କୁ ନିମନ୍ତ୍ରଣ କରିଛନ୍ତି ନିଜେ ପାଓ୍ବାର । କାଲି ହେବାକୁ ଥିବା ବୈଠକରେ ରୁରାଲ ଇଲୋକ୍ଟ୍ରୋନିକ୍ସ ଭୋଟିଂ ମେସିନର ବ୍ୟବହାର ପ୍ରସ୍ତାବକୁ ନେଇ ଆଲୋଚନା ହେବାକୁ ଯାଉଥିବା ବେଳେ କେଉଁ ବିରୋଧୀ ଦଳମାନେ ଅଂଶଗ୍ରହଣ କରିବା ପାଇଁ ସହମତି ପ୍ରକାଶ କରିଛନ୍ତି ସେନେଇ କୌଣସି ନିର୍ଦ୍ଦିଷ୍ଟ ସୂଚନା ନାହିଁ ।
ଏନସିପି ସୁପ୍ରିମୋ ଶରଦ ପାଓ୍ବାର ସମସ୍ତ ବିରୋଧୀ ଦଳର ଫ୍ଲୋର ଲିଡରମାନଙ୍କୁ ଚିଠି ଲେଖି ବୈଠକରେ ସାମିଲ ହେବା ପାଇଁ ନିମନ୍ତ୍ରଣ କରିଛନ୍ତି । ନିର୍ବାଚନ ଆୟୋଗ ପ୍ରସ୍ତାବ ଦେଇଥିବା ରୁରାଲ ଇଲୋକ୍ଟ୍ରୋନିକ୍ସ ଭୋଟିଂ ମେସିନର ବ୍ୟବହାର ଓ ଏହାର ସ୍ବଚ୍ଛତା ଉପରେ ବିରୋଧୀ ପ୍ରଶ୍ନ ଉଠାଇଥିଲେ । ଏ ସମ୍ପର୍କରେ ସମସ୍ତ ବିରୋଧୀ ଦଳ ଏକାଠି ହୋଇ ଆଲୋଚନା କରନ୍ତୁ ବୋଲି ପାଓ୍ବର ଲେଖିଥିବା ଚିଠିରେ ପ୍ରସ୍ତାବ ଦେଇଛନ୍ତି ।
