ଡେରାଡୁନ: ଉତ୍ତରାଖଣ୍ଡରେ ମର୍ମନ୍ତୁଦ ସଡକ ଦୁର୍ଘଟଣା । ବାହାଘର ଭୋଜି ଖାଇ ଘରକୁ ଫେରୁଥିବା ସମୟରେ ଖାଇକୁ ଖସିଲା ବରଯାତ୍ରୀ ବସ । ଦୁର୍ଘଟଣାରେ ୧୦ରୁ ଅଧିକ ଜଣଙ୍କ ମୃତ୍ୟୁ । ଗତକାଲି(ସୋମବାର) ବିଳମ୍ବିତ ରାତିରେ ଚିମ୍ପାବତ ଜିଲ୍ଲାର ସୁଖୀଢାଙ୍ଗ-ଡାଣ୍ଡମିନାର(Sukhidhang-Dandaminar) ରାସ୍ତାରେ ଏହି ଦୁର୍ଘଟଣା ଘଟିଛି ।
ସୂଚନାଯୋଗ୍ୟ, ସମସ୍ତ ମୃତକ ଟନକପୁର ସ୍ଥିତ ପଞ୍ଚମୁଖୀ ଧର୍ମଶାଳାରେ ଆୟୋଜିତ ଏକ ବିବାହ ଉତ୍ସବରେ ସାମିଲ ହୋଇ ଘରକୁ ଫେରୁଥିଲେ । ରାତି ପାଖାପାଖି ୩ଟା ସମୟରେ ଗାଡିଟି ଭାରସାମ୍ୟ ହରାଇ ଏକ ଖାଇ ମଧ୍ୟକୁ ଖସିପଡିଥିଲା । ଯେଉଁଥିରେ ୧୦ରୁ ଅଧିକଙ୍କ ମୃତ୍ୟୁ ଘଟିଥିବାବେଳେ ଅନେକ ଆହତ ହୋଇଛନ୍ତି । ମୃତକଙ୍କ ମଧ୍ୟରେ ଅଧିଂକାଶ ବରପକ୍ଷ ହୋଇଥିବା କୁହାଯାଉଛି ।
ଏ ସମ୍ପର୍କରେ ଖବର ପାଇ ପୋଲିସ ଏବଂ ଉଦ୍ଧାରକାରୀ ଦଳ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ କରିଛନ୍ତି । ମୃତଦେହ ଜବତ କରାଯିବା ସହ ଗୁରୁତରଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
