ଶ୍ରୀନଗର: ଜମ୍ମୁକାଶ୍ମୀର ଅନନ୍ତନାଗରେ ଜଣେ ମାନସିକ ବିକାରଗ୍ରସ୍ତ ବ୍ୟକ୍ତିଙ୍କ ଆକ୍ରମଣରେ 3 ମୃତ । ମାନସିକ ଭାବେ ଅସୁସ୍ଥ ଥିବା ଜଣେ ବ୍ୟକ୍ତିଙ୍କ ଆକ୍ରମଣରେ 3 ଜଣଙ୍କର ମୃତ୍ୟୁ ହୋଇଥିବାବେଳେ 6 ଜଣ ଗୁରୁତର ଭାବେ ଆହତ ହୋଇଛନ୍ତି । ଅଭିଯୁକ୍ତଙ୍କୁ ଗିରଫ କରାଯାଇଥିବା ସୂଚନା ଦେଇଛନ୍ତି ପାଲଗାମ ଏସଡିଏମ ।
ଅନନ୍ତନାଗ ଅସମକ୍ବାମ ଅଞ୍ଚଳରେ ଏହି ଘଟଣା ଘଟିଛି । ଜଣେ ମାନସିକ ବିକାରଗ୍ରସ୍ତ ବ୍ୟକ୍ତିଙ୍କ ଆକ୍ରମଣରେ ଜଣେ ମହିଳାଙ୍କ ସମେତ 3 ଜଣ ଆଖି ବୁଜିଛନ୍ତି । ମାନସିକ ଅସୁସ୍ଥ ବ୍ୟକ୍ତି ଜଣକ ହେଲେ ଯାବେଦ ହାସନ ରାଠର । ଆଜି ସକାଳୁ ଅସମକ୍ବାମ ଅଞ୍ଚଳରେ ଅନେକ ଲୋକଙ୍କ ଉପରେ ଅତର୍କିତ ଆକ୍ରମଣ କରିଥିଲେ । ଏଥିଲେ 3ଜଣଙ୍କର ମୃତ୍ୟୁ ହୋଇଥିବାବେଳେ 6 ଜଣ ଗୁରୁତର ଆହତ ହୋଇଥିଲା ସୂଚନା ଦେଇଛନ୍ତି ପାଲଗାମ ଏସଡିଏମ । ଆହତଙ୍କ ମଧ୍ୟରେ ଜଣେ ବ୍ୟକ୍ତି ଆଜି ଆଖି ବୁଜିଛନ୍ତି ଫଳରେ ମୃତ୍ୟୁସଂଖ୍ୟା 3ରେ ପହଞ୍ଚିଛି । ମୃତକଙ୍କ ପରିବାର ଉପରକୁ ପ୍ରଥମେ ଆକ୍ରମଣ କରିଥିଲେ ମାନସିକ ବିକାରଗ୍ରସ୍ତ ବ୍ୟକ୍ତି ଜଣଙ୍କ । ଏହା ପରେ ସେଠାରେ ଥିବା କିଛି ଲୋକଙ୍କ ଆକ୍ରମଣ କରିଥିଲେ ।
ଏହା ବି ପଢନ୍ତୁ...ଡରାଇଲାଣି ମହାମାରୀ: ଶନିବାରଠୁ ବିଦେଶ ଫେରନ୍ତାଙ୍କ କୋଭିଡ ପରୀକ୍ଷା
ମୃତକ ହେଲେ ଗୁଲାମ ନବୀ ଖାଦିମ ତାଙ୍କ ମାଆ ହାଫିଜା ବାଗମ ଏବଂ ମହମ୍ମଦ ଅମିନ ଶାହ । ସସସ୍ତେ ଅସମକ୍ବାମବାସୀ । ସମସ୍ତ ଆହତଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି । ଅଭିଯୁକ୍ତକୁ ଗିରଫ କରିଛି ପୋଲିସ ।
