ନୂଆଦିଲ୍ଲୀ: ୫ଟି ରାଜ୍ୟରେ ନିର୍ବାଚନ ଫଳାଫଳ ଜାରି ହୋଇଛି । ସମସ୍ତ ରାଜ୍ୟରେ କଂଗ୍ରେସକୁ ଆଶାତୀତ ଫଳ ମିଳିପାରିନାହିଁ । ବିଶେଷ କରି ପଞ୍ଜାବରେ କଂଗ୍ରେସର ସରକାର ଥିବା ସତ୍ତ୍ବେ ଦଳର ହେଭିୱେଟ ବିଜୟୀ ହୋଇ ପାରି ନାହାନ୍ତି । ଏହାକୁ ନେଇ ପ୍ରତିକ୍ରିୟା ରଖିଛନ୍ତି କଂଗ୍ରେସ ନେତା ଶଶି ଥରୁର ।
ଟ୍ବିଟ୍ କରି ଶଶି ଥରୁର କହିଛନ୍ତି ଯେ, "ବର୍ତ୍ତମାନ ସମୟ ଆସି ଯାଇଛି ଦଳ ପାଇଁ କିଛି ରଣନୀତି ପ୍ରସ୍ତୁତ କରିବା । କିଛି ସକରାତ୍ମକ ଏଜେଣ୍ଡା ସହ ଦଳ ପାଇଁ କାର୍ଯ୍ୟ କରିବାକୁ ପଡ଼ିବ । ଦେଶ ପାଇଁ ସକରାତ୍ମକ ଚିନ୍ତା କାର୍ଯ୍ୟ କରିବା କଂଗ୍ରେସର ଇତିହାସ ରହି ଆସିଛି ।"
କଂଗ୍ରେସର G-23ରେ ଜଣେ ସଦସ୍ୟ ହେଉଛନ୍ତି ଶଶି ଥରୁର । ପରାଜୟର ସମୀକ୍ଷା କରିବା ପାଇଁ ଖୁବଶୀଘ୍ର ଏକ କାର୍ଯ୍ୟକାରୀ ବୈଠକ କରାଯିବ । ଏହାକୁ ନେଇ ସାଧାରଣ ସଚିବ ରଣଦୀପ ସୂର୍ଯ୍ୟେବାଲା ସୂଚନା ଦେଇଛନ୍ତି । ସେପଟେ ପରାଜୟକୁ ସ୍ବୀକାର କରିଛନ୍ତି ରାହୁଲ ଗାନ୍ଧୀ ।
@ANI
