ଚଣ୍ଡିଗଡ଼: ପାକିସ୍ତାନ ଜେଲ୍ରେ ରହି ମୃତ୍ୟୁ ହୋଇଥିବା ଭାରତୀୟ ନାଗରିକ ସରବଜିତ ସିଂହଙ୍କ ଭଉଣୀ ଦଲବୀର କୌରଙ୍କର ପରଲୋକ ହୋଇଛି । ଅମୃତସରର ଏକ ଘରୋଇ ହସ୍ପିଟାଲରେ ତାଙ୍କର ମୃତ୍ୟୁ ହୋଇଛି । ସୂଚନା ଅନୁସାରେ, ୨୦୧୩ରେ ସରବଜିତଙ୍କ ଲାହୋର ଜେଲ୍ରେ ମୃତ୍ୟୁ ହୋଇଥିଲା । ଦଲବୀର କୌର ତାଙ୍କ ଭାଇ ସରବଜିତକୁ ପାକିସ୍ତାନ ଜେଲ୍ରୁ ଉଦ୍ଧାର କରିବା ପାଇଁ ଅନେକ ସଂଘର୍ଷ କରିଥିଲେ ।
ତାଙ୍କରି ସଂଘର୍ଷର କାହାଣୀକୁ ସରବଜିତ ନାମରେ ଏକ ହିନ୍ଦୀ ଫିଲ୍ମ ହୋଇଥିଲା । ଦଲବୀରଙ୍କୁ ଶ୍ୱାସକ୍ରୀୟରେ ସମସ୍ୟା ଯୋଗୁଁ ତାଙ୍କୁ ଶନିବାର ହସ୍ପିଟାଲ୍ରେ ଭର୍ତ୍ତି କରାଯାଇଥିଲା । ଅନ୍ତର୍ଜାତୀୟ ସ୍ତରରେ ଦଲବୀରଙ୍କ ପରିଚୟ ଥିଲେ । କାରଣ ସେ ତାଙ୍କ ଭାଇଙ୍କୁ ପାକିସ୍ତାନରୁ ଉଦ୍ଧାର କରିବା ପାଇଁ ଉଚ୍ଚସ୍ତରରେ ଆଇନଗତ ଲଢ଼େଇ ଲଢ଼ିଥିଲେ । ହେଲେ ତାଙ୍କର ସବୁ ପ୍ରଚେଷ୍ଟା ବିଫଳ ହୋଇଥିଲା । ଜେଲରେ ହିଁ ସରବଜିତଙ୍କ ମୃତ୍ୟୁ ହୋଇଥିଲା ।
ଗତକାଲି ରାତି ପ୍ରାୟ ଦୁଇଟା ବେଳେ ଅମୃତସରର ଏକ ଘରୋଇ ହସ୍ପିଟାଲ୍ରେ ତାଙ୍କର ପରଲୋକ ହୋଇଛି । ଆଜି (ରବିବାର) ପଞ୍ଜାବର ଭିଖିୱିଣ୍ଡରେ ଦଲବୀରଙ୍କ ଅନ୍ତିମ ସଂସ୍କାର କରାଯିବ ।
