ପାଟନା: ଆଜି ଅପରାହ୍ନରେ ବିହାର ମୁଖ୍ୟମନ୍ତ୍ରୀ ଭାବେ ନୀତିଶ କୁମାର ଶପଥ ଗ୍ରହଣ କରିବେ । ତେବେ ଏହି ସମାରୋହକୁ ଆରଜେଡି(ରାଷ୍ଟ୍ରୀୟ ଜନତା ଦଳ) ନେତା ତେଜସ୍ବୀ ଯାଦବ ଯିବେ ନାହିଁ । ଏନେଇ ଦଳ ପକ୍ଷରୁ ସୂଚନା ଦିଆଯାଇଛି ।
ଦଳ ଏହି ସମାରୋହକୁ ବଏକଟ କରୁଥିବା ଟ୍ବିଟ୍ କରି କୁହାଯାଇଛି । ଆରଜେଡି ଶପଥ ସମାରୋହକୁ ବଏକଟ କରୁଛି । ଏନଡିଏ ବିରୋଧରେ ଜନମତ ଆସିଛି । ଏହା ରାଜ୍ୟକୁ ଅନ୍ୟ ଏକ ଦିଗକୁ ନେଇଛି । ଏନଡିଏ ଉପରେ ଜନତାଙ୍କ ଆକ୍ରୋଶ ରହିଛି । ଆମେ ଜନତାଙ୍କ ପ୍ରତିନିଧି, ଜନତାଙ୍କ ସହିତ ରହିଛୁ ବୋଲି ଟ୍ବିଟ୍ କରିଛି ଆରଜେଡି ।
କିଛି ନିର୍ବାଚନ ମଣ୍ଡଳୀରେ ଭୋଟ ଗଣତିରେ ଅନିୟମିତତା ହୋଇଥିବା ଦର୍ଶାଇ ଆରଜେଡି ନେତା ତେଜସ୍ବୀ ଯାଦବ ପୁଣି ଥରେ ଗଣତି କରିବାକୁ ଦାବି କରିଥିଲେ । ଯାହାକୁ ନେଇ ଚର୍ଚ୍ଚା ଜୋର ଧରିଥିଲା ।
ସୂଚନାଥାଉକି, ବିହାର ବିଧାନସଭାର 243 ଆସନରୁ ଏନଡିଏକୁ 125 ଆସନ ମିଳିଛି । ଯେଉଁଥିରେ ବିଜେପିକୁ 74 ଆସନ, ଜେଡିୟୁକୁ 43 ଓ ଅନ୍ୟ ଦୁଇ ଦଳକୁ 8ଟି ଆସନ ମିଳିଛି । ସେପଟେ ଆରଜେଡି ସର୍ବାଧିକ 75 ଆସନରେ ବିଜୟୀ ହୋଇଥିବାବେଳେ କଂଗ୍ରେସ 19 ଆସନରେ ଜିତିଛି ।
@ANI
