ଥିରୁଅନନ୍ତପୁରମ: ଆଜିଠୁ ତିନି ଦିନିଆ କେରଳ ଗସ୍ତରେ ଯିବେ କଂଗ୍ରେସ ନେତା ରାହୁଲ ଗାନ୍ଧୀ । ନିଜ ନିର୍ବାଚନ ମଣ୍ଡଳୀ ୱାୟନାଡ ଗସ୍ତରେ ଯିବେ ରାହୁଲ । ଏହି ପରିପ୍ରେକ୍ଷୀରେ ୱାୟନାଡରେ ଆୟୋଜିତ ଅନେକ କାର୍ଯ୍ୟକ୍ରମରେ ଯୋଗଦେବେ । ଗତ ସପ୍ତାହରେ ୱାୟନାଡ ସ୍ଥିତ କାର୍ଯ୍ୟାଳୟରେ ହୋଇଥିବା ଭଙ୍ଗାରୁଜା ଘଟଣା ପରେ ରାହୁଲ ତାଙ୍କ ନିର୍ବାଚନମଣ୍ଡଳୀ ଗସ୍ତ କରୁଥିବା ନେଇ ସୂଚନା ମିଳିଛି ।
ରାହୁଲ ଗାନ୍ଧୀଙ୍କ ଏହି ଗସ୍ତ ସମୟରେ ମନାନ୍ଥାବଡିରେ ଏକ କିଷାନ ବ୍ୟାଙ୍କର ଉଦଘାଟନ କରିବେ । ଏଥିସହ ସୁଲତାନ ବାଥେରୀରେ ୟୁଡିଏଫ ବହୁଜନ ସଙ୍ଗମରେ ସାମିଲ ହେବେ । ଦଳୀୟ ସୂଚନା ଅନୁଯାୟୀ ରାହୁଲ ଆଜି ସକାଳେ କନ୍ନୁର ଅନ୍ତର୍ଜାତୀୟ ବିମାନବନ୍ଦରରେ ପହଞ୍ଚିବେ । କେପିସିସି ମୁଖ୍ୟ କେ ସୁଧାକରନଙ୍କ ନେତୃତ୍ୱରେ କଂଗ୍ରେସ ନେତାମାନେ ତାଙ୍କୁ ସ୍ୱାଗତ କରିବେ । ଏହାପରେ ରବିବାର ରାହୁଲ ଗାନ୍ଧୀ କୋଝିକୋଡେରୁ ଦିଲ୍ଲୀ ଫେରିବେ।
