ନୂଆଦିଲ୍ଲୀ: ଆଜି ଆସାମ ନିର୍ବାଚନୀ ମୈଦାନକୁ ଓହ୍ଲାଇବେ କଂଗ୍ରେସ ନେତା ରାହୁଲ ଗାନ୍ଧୀ । ଆଜି ଠୁ ଦୁଇ ଦିନିଆ ଆସାମ ଗସ୍ତ କରି ନିର୍ବାଚନୀ ପ୍ରଚାର ଆରମ୍ଭ କରିବେ ରାହୁଲ। ଏଥର ଆସାମରେ ତୃତୀୟ ପର୍ଯ୍ୟାୟ ନିର୍ବାଚନ ଅନୁଷ୍ଠିତ ହେବାକୁ ଥିବାବେଳେ ଦେବ୍ରୁଗଡରେ ପ୍ରଥମ ପର୍ଯ୍ୟାୟ ନିର୍ବାଚନ ଅନୁଷ୍ଠିତ ହେବ ।
ଏହି ନିର୍ବାଚନୀ ଗସ୍ତ ସମୟରେ ରାହୁଲ ଆଜି କଲେଜ ଛାତ୍ରଛାତ୍ରୀଙ୍କ ସହ କଥାବାର୍ତ୍ତା ହେବ । ଚା’ ବଗିଚାରେ କାମ କରୁଥିବା ଶ୍ରମିକଙ୍କୁ ସହ ସାକ୍ଷାତ କରିବାର ଯୋଜନା ରହିଛି । ଏହା ପରେ ତିନସୁଖିଆର ଟାଉନ ଫିଲ୍ଡରେ ଏକ ଜନସଭା ମଧ୍ୟ ରାହୁଲ ସମ୍ବୋଧିତ କରିବେ ।
ଆସାମରେ ଗତ 15 ବର୍ଷ ଧରି କଂଗ୍ରେସ ଶାସନ ରହିଥିଲା । 2016ରେ ଏହା ବିଜେପି କ୍ଷମତା ଚାଲିଯାଇଛି । ତେଣୁ ଚଳିତ ନିର୍ବାଚନରେ ପୁଣି ଥରେ କଂଗ୍ରେସ ଫେରିବାରୁ ଉଦ୍ୟମ କରୁଛି । ରାହୁଲଙ୍କ ପରେ ଉଭଣୀ ପ୍ରୀୟଙ୍କା ଗାନ୍ଧୀ ଆସାମରେ ପ୍ରଚାର ଆରମ୍ଭ କରିବେ ।
ସୂଚନାଯୋଗ୍ୟ, ଏଥର ତିନୋଟି ଫେଜରେ ଆସାମରେ ବିଧାନସଭା ନିର୍ବାଚନ ଆରମ୍ଭ ହେବ । ମାର୍ଚ୍ଚ 27, ଏପ୍ରିଲ 1, ଓ ଏପ୍ରିଲ 6 ରେ ନିର୍ବାଚନ ହେବ ।
ବ୍ୟୁରୋ ରିପୋର୍ଟ, ଇଟିଭି ଭାରତ
