ଡେରାଡୁନ୍: ଉତ୍ତରାଖଣ୍ଡ ବିଧାନସଭା ନିର୍ବାଚନରେ ବିଜେପିକୁ ବଡ ଝଟକା । ଦଳ ସରକାର ଗଢିବାକୁ ଅଣ୍ଟା ଭିଢୁଥିବା ବେଳେ ନିର୍ବାଚନରେ ପରାଧୀନ ହୋଇଛନ୍ତି ମୁଖ୍ୟମନ୍ତ୍ରୀ ପୁଷ୍କର ସିଂ ଧାମି । ପୁଷ୍କର ସିଂ ଧାମି ଖତିମା ବିଧାନସଭା ଆସନରୁ କଂଗ୍ରେସ ପ୍ରାର୍ଥୀ ଭୁବନ ଚନ୍ଦ୍ର କାପିଡଙ୍କ ଠାରୁ ପ୍ରାୟ 7 ହଜାର ଭୋଟରେ ନିର୍ବାଚନରେ ହାରିଥିବା ସୂଚନା ମିଳିଛି ।
ପୁଷ୍କର ସିଂ ଧାମିଙ୍କୁ ମୁଖ୍ୟମନ୍ତ୍ରୀ ଭାବେ ଦଳ ପ୍ରୋଜେକ୍ଟ କରିବାକୁ ଥିବା ବେଳେ ଏପରି ପରାଜୟ ଦଳକୁ ଆଶ୍ଚର୍ଯ୍ୟଚକିତ କରିଛି । ଧାମିଙ୍କ ପରାଜୟ ପରେ ରାଜ୍ୟର ରାଜନୈତିକ କରିଡରରେ ମୁଖ୍ୟମନ୍ତ୍ରୀ ଚେହେରାକୁ ନେଇ କଳ୍ପନାଜଳ୍ପନା ଆରମ୍ଭ ହୋଇଛି ।
ପୁଷ୍କର ସିଂ ଧାମି ଖତିମା ଆସନରୁ ଲଗାତାର ଦୁଇ ଥର ନିର୍ବାଚନ ଜିତିଥିଲେ। ପୁଷ୍କର ସିଂ ଧାମିଙ୍କ ନେତୃତ୍ୱରେ ବିଜେପି ଉତ୍ତରାଖଣ୍ଡ ବିଧାନସଭା ନିର୍ବାଚନରେ ଲଢିଛି। ବର୍ତ୍ତମାନ ପୁଷ୍କର ସିଂ ଧାମି ନିଜ ଆସନ ସଂରକ୍ଷଣ କରିବାରେ ଅସଫଳ ହୋଇଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
