ମୁମ୍ବାଇ: ନ୍ୟାୟିକ ହେପାଜତକୁ ଗଲେ ଗିରଫ ହୋଇଥିବା କ୍ରୁଜ ଡ୍ରଗ୍ସ ପାର୍ଟି ମାମଲାର ଏନସିବି ସାକ୍ଷୀ କିରଣ ଗୋସାଭି । ତାଙ୍କ ବିରୋଧରେ ପଞ୍ଜୀକୃତ ହୋଇଥିବା ଏକ ଠକେଇ ମାମଲାରେ ଗିରଫ ହୋଇ ହାଜତରେ ଥିଲେ । ବୁଧବାର ପୁଣେ ନଗରର ଲସ୍କର ପୋଲିସ ଗୋସାଭିଙ୍କୁ ନ୍ୟାୟିକ ହେପାଜତକୁ ନେଇଛି ।
ଏହି ମାମଲାର ତଦନ୍ତ କରୁଥିବା ଲସ୍କର ପୋଲିସ ଷ୍ଟେସନରେ ଜଣେ ପୋଲିସ ଗଣମାଧ୍ୟମକୁ ସୂଚନା ଦେଇ କହିଛନ୍ତି ଯେ, 'ପୋଲିସ ଗୋସାଭିଙ୍କୁ ହେପାଜତକୁ ନେଇଛି । ଗୁରୁବାର ତାଙ୍କୁ କୋର୍ଟରେ ହାଜର କରାଯିବ । ସେ ବର୍ତ୍ତମାନ ରିମାଣ୍ଡରେ ଅଛନ୍ତି ।'
ଏହାପୂର୍ବରୁ ମଙ୍ଗଳବାର ଫରାସଖାନା ପୋଲିସ ଷ୍ଟେସନରେ ତାଙ୍କ ବିରୋଧରେ ପଞ୍ଜୀକୃତ ହୋଇଥିବା ଠକେଇ ମାମଲାରେ ଗୋସାଭିଙ୍କୁ ପୁଣେ କୋର୍ଟ ଜୁଡିସିଆଲ ହେପାଜତକୁ ପଠାଇଥିଲେ । ଅକ୍ଟୋବର 28ରେ, ଗୋସାଭି ପୁଣେ ନଗର ପୋଲିସ ଦ୍ବାରା 2018 ମସିହାରେ 18 ଲକ୍ଷ ଟଙ୍କା ଠକେଇ ମାମଲାରେ ଗିରଫ ହୋଇଥିଲା । ସେ ମାଲେସିଆରେ ଚାକିରି କରାଇଦେବାକୁ କହି ଜଣେ ଯୁବକଙ୍କ ଠାରୁ ଠକେଇ କରିଥିବା ଅଭିଯୋଗରେ ତାଙ୍କୁ ଗିରଫ କରାଯାଇଥିଲା । ସୁନୀଲ ଦେଶମୁଖ ଗୋସାଭିଙ୍କ ବିରୋଧରେ 2018ରେ ଏକ ଅଭିଯୋଗ ଦାଖଲ କରିଥିଲେ ଏବଂ ଏହି ମାମଲାରେ ଏକ ଚାର୍ଜସିଟ୍ ଦାଖଲ କରାଯାଇଥିଲା ।
@ANI
