ବେଙ୍ଗାଲୁରୁ: କର୍ଣ୍ଣାଟକର ହାବେରୀ ଜିଲ୍ଲା (Haveri district) ରାନେଭେନୁରେ ଦେଖିବାକୁ ମିଳିଛି ହିନ୍ଦୁ ମୁସଲମାନ ଭାଇଚାରର ନିଦର୍ଶନ। ଯାହା ଅନ୍ୟମାନଙ୍କ ପାଇଁ ଉଦାହଣ ସୃଷ୍ଟି କରିଛି । ଯାହା ଏବେ ସ୍ଥାନୀୟ ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି । ଗଣେଶ ପୂଜା ଭସାଣୀ ବେଳେ କବରସ୍ଥାନ ଯାଉଥିବା ମୃତଦେହକୁ ସମ୍ମାନ ପୂର୍ବକ ଶ୍ରଦ୍ଧାଞ୍ଜଳୀ ଦେଇଛନ୍ତି ଗଞ୍ଚ ୟୁଥ କାଉନସିଲର ସଦସ୍ୟ ।
କ’ଣ ଥିଲା ପୁରା ଘଟଣା ...
କର୍ଣ୍ଣାଟକର ହାବେରୀ ଜିଲ୍ଲା (Haveri district)ର ଉମାଶଙ୍କର ନଗରରେ ଗଞ୍ଚ ୟୁଥ କାଉନସିଲ ଦ୍ବାରା ଗଣେଶ ପୂଜା ଆୟୋଜିତ ହୋଇଥିଲା । ହେଲେ ରବିବାର ଦିନ ଗଣେଶ ଭଷାଣୀ ଥିବାରୁ ଗଣେଶ ମୂର୍ତ୍ତୀକୁ ପୂଜାର୍ଚ୍ଚନା ପରେ ଶୋଭାଯାତ୍ରା ଯୋଗେଁ ଏମଜି ରୋଡ୍ ଅଭିମୁଖେ ନେଉଥିଲେ । ଏହି ସମୟରେ ସେହିବାଟ ଦେଇ ଜଣେ ମୁସଲମାନ ବ୍ୟକ୍ତିଙ୍କ ମୃତଦେହ ଅନ୍ତିମ ସଂସ୍କାର ନିମନ୍ତେ କବରସ୍ଥାନ ଅଭିମୁଖେ ଯାଉଥିଲା ।
ହେଲେ ସମ୍ମାନ ପୂର୍ବକ ଗଣେଶ ଶୋଭାଯାତ୍ରାରେ ବାଜୁ ଥିବା ଡିଜେକୁ ବନ୍ଦ କରି ମୃତ ମୁସଲମାନଙ୍କୁ ଶ୍ରଦ୍ଧାଞ୍ଜଳୀ ଦେଇଥିଲେ ଗଞ୍ଚ ୟୁଥ କାଉନସିଲର ସଦସ୍ୟ । ତେବେ ୟୁଥ କାଉନସିଲ ସଦସ୍ୟଙ୍କ ଏଭଳି ମହତ କାର୍ଯ୍ୟକୁ ବିଭିନ୍ନ ମହଲରେ ପ୍ରଶଂସା କରାଯାଇଛି ।
