ନୂଆଦିଲ୍ଲୀ: ଆସନ୍ତା 11ତାରିଖରେ ଦୁଇ ଦିନିଆ ଗୁଜୁରାଟ ଗସ୍ତରେ ଯିବେ ପ୍ରଧାନମନ୍ତ୍ରୀ ମୋଦି । ଗୁଜୁରାଟରେ ଆୟୋଜିତ ହେବାକୁ ଥିବା ଖେଳ ମହାକୁମ୍ଭ 2022କୁ ପ୍ରଧାନମନ୍ତ୍ରୀ ଉଦଘାଟନ କରିବେ । 11ତାରିଖରେ ପ୍ରଧାନମନ୍ତ୍ରୀ ମୋଦି ପ୍ରାୟ 10.30 ସମୟରେ ଅହମ୍ମଦାବାଦ ବିମାନବନ୍ଦରରେ ପହଞ୍ଚିବେ । ଏହାପରେ ସେ କୋବାର ଆଞ୍ଚଳିକ କାର୍ଯ୍ୟାଳୟ କମଲମକୁ ଯିବାର ସୂଚନା ରହିଛି। । ଦଳ ପକ୍ଷରୁ ପ୍ରଧାନମନ୍ତ୍ରୀ ମୋଦିଙ୍କୁ ବିଜେପି କାର୍ଯ୍ୟାଳୟ କମଲମରେ ଭବ୍ୟ ସ୍ବାଗତ କରାଯିବ।
ସୂଚନା ଅନୁଯାୟୀ, ପ୍ରଧାନମନ୍ତ୍ରୀ ମୋଦି ଦଳୀୟ କାର୍ଯ୍ୟାଳୟରେ ଦୁଇ ଘଣ୍ଟା ସମୟ ବିତାଇବେ ଏବଂ ଏହାପରେ ସେ ରାଜଭବନ ଯିବାର ବ୍ୟବସ୍ଥା ରହିଛି । ଅହମ୍ମଦାବାଦ ସ୍ଥିତ ଜିଏମଡିସି କେନ୍ଦ୍ର ସରପଞ୍ଚ ସମ୍ମିଳନୀରେ ପ୍ରଧାନମନ୍ତ୍ରୀ ଯୋଗଦେବେ । ଏହା ପରେ ରାଜଭବନ ଠାରେ ଏକ ପ୍ରଧାନମନ୍ତ୍ରୀଙ୍କ ଅଧ୍ୟକ୍ଷତାରେ ଏକ ରାଜନୈତିକ ବୈଠକ ଅନୁଷ୍ଠିତ ହେବ।
ସୂଚନା ଅନୁଯାୟୀ, ମାର୍ଚ୍ଚ 12 ତାରିଖ ଦିନ 11ଟା ସମୟରେ ରାଷ୍ଟ୍ରୀୟ ରକ୍ଷା ଶକ୍ତି ବିଶ୍ବ ବିଦ୍ୟାଳୟର ସ୍ନାତକୋତ୍ତର କାର୍ଯ୍ୟକ୍ରମରେ ମୋଦି ଯୋଗ ଦେବେ । ଏଥିସହ ସନ୍ଧ୍ୟା ସମୟରେ ଅହମ୍ମଦାବାଦର ସର୍ଦ୍ଦାର ପଟେଲ ଷ୍ଟାଡିୟମରେ ଅନୁଷ୍ଠିତ ହେବାକୁ ଥିବା ଖେଳ ମହାକୁମ୍ଭ 2022ର କାର୍ଯ୍ୟକ୍ରମକୁ ଉଦଘାଟନ କରିବା ପରେ ଦିଲ୍ଲୀ ପ୍ରତ୍ୟାବର୍ତ୍ତନ କରିବେ ମୋଦି।
