ନୂଆଦିଲ୍ଲୀ: ଆଜିଠୁ କର୍ଣ୍ଣାଟକ ଓ ଆନ୍ଧ୍ରପ୍ରଦେଶ ଗସ୍ତରେ ଯିବେ ରାଷ୍ଟ୍ରପତି ରାମନାଥ କୋବିନ୍ଦ । 4 ତାରିଖରୁ ଫେବୃଆରୀ 7 ତାରିଖ ଯାଏ ରାଷ୍ଟ୍ରପତି ଏହି ଦୁଇ ରାଜ୍ୟ ଗସ୍ତରେ ରହିବେ । ଏନେଇ ଆଜି ସନ୍ଧ୍ୟାରେ ବେଙ୍ଗାଲୁରୁ ଗସ୍ତରେ ଯିବେ ରାଷ୍ଟ୍ରପତି ।
ଫେବୃଆରୀ 5 ତାରିଖରେ ଏରୋ ଇଣ୍ଡିଆ ଶୋରେ ରାଷ୍ଟ୍ରପତି ଯୋଗଦେବା ସହ ଏହାକୁ ସମ୍ବୋଧିତ କରିବେ । ବେଙ୍ଗାଲୁରୁର ୟାଲେହାଙ୍କା ଏୟାର ଫୋର୍ସ ଷ୍ଟେସନରେ ରାଷ୍ଟ୍ରପତି ନିଜ ଅଭିଭାଷଣ ରଖିବେ ।
ଫେବୃଆରୀ 6 ତାରିଖରେ ରାଷ୍ଟ୍ରପତି କର୍ଣ୍ଣାଟକ କୋଦାଗୁ ଜିଲ୍ଲାର ମାଦିକେରି ଗସ୍ତ କରିବେ । ସେଠାରେ ସେ ତତ୍କାଳୀନ ଜେନେରାଲ ଥିମାୟାଙ୍କ ପୈତୃକ ବାସଭବନରେ ଏକ ମ୍ୟୁଜିୟମର ଉଦଘାଟନ କରିବାର କାର୍ଯ୍ୟକ୍ରମ ରହିଛି ।
ସେହିପରି ଫେବୃଆରୀ 7 ତାରିଖରେ ବେଙ୍ଗାଲୁରୁର ରାଜୀବ ଗାନ୍ଧୀ ସ୍ବାସ୍ଥ୍ୟ ବିଜ୍ଞାନ ବିଶ୍ବବିଦ୍ୟାଳୟର 23 ତମ ବାର୍ଷିକ ସମାରୋହରେ ଯୋଗଦେବେ । ସେହିଦିନ ମଦନପାଲ୍ ସ୍ଥିତ ସତସଙ୍ଗ ଫାଉଣ୍ଡେସନର ଆଶ୍ରମ ଏବଂ ଆନ୍ଧ୍ରପ୍ରଦେଶର ସାଦୁମସ୍ଥିତ ପିପାଲ ଗ୍ରୋଭ ସ୍କୁଲ ପରିଦର୍ଶନ କରିବେ । ପରେ ନୂଆଦିଲ୍ଲୀ ଫେରିବେ ବୋଲି ସୂଚନା ମିଳିଛି ।
