ନୂଆଦିଲ୍ଲୀ: ଆଜିଠୁ ୪ଦିନିଆ ଆସାମ ଓ ମିଜୋରାମ ଗସ୍ତରେ ଯିବେ ରାଷ୍ଟ୍ରପତି ରାମନାଥ କୋବିନ୍ଦ (President Ramnath kovind) । ଆସନ୍ତା ମେ ୬ ତାରିଖ ପର୍ଯ୍ୟନ୍ତ ସେ ଏହି ଗସ୍ତରେ ରହିବେ । ଏନେଇ ରାଷ୍ଟ୍ରପତି ଭବନ ତରଫରୁ ସୂଚନା ପ୍ରଦାନ କରାଯାଇଛି । ତେବେ ଏହି ଗସ୍ତ ସମୟରେ ରାଷ୍ଟ୍ରପତି ଅନେକ କାର୍ଯ୍ୟକ୍ରମରେ ଯୋଗଦେବେ ।
ଆସନ୍ତାକାଲି ଆସାମର ତାମୁଲପୁର ବୋଡୋ ସାହିତ୍ୟ ସଭାର ୬୧ତମ ବାର୍ଷିକ ସମ୍ମିଳନୀରେ ରାଷ୍ଟ୍ରପତି ଯୋଗ ଦେବାର କାର୍ଯ୍ୟକ୍ରମ ରହିଛି । ଏହାପରେ ଗୌହାଟୀର ଉତ୍ତର ପୂର୍ବାଞ୍ଚଳର ମହୋତ୍ସବରେ ଯୋଗଦେବେ ।
ଏହି କାର୍ଯ୍ୟକ୍ରମ ଆଜାଦୀ କା ଅମୃତ ମହୋତ୍ସବର ଏକ ଅଂଶ ଭାବରେ ଆୟୋଜିତ ହୋଇଥିବା ରାଷ୍ଟ୍ରପତି ଭବନ ପକ୍ଷରୁ କୁହାଯାଇଛି । ମେ ୫ତାରିଖରେ ମିଜୋରାମ ବିଶ୍ୱବିଦ୍ୟାଳୟର 16 ତମ ସମାବେଶକୁ ସମ୍ବୋଧିତ କରିବେ ।
