ମୁମ୍ବାଇ: ଆଜି ମହାରାଷ୍ଟ୍ର ଗସ୍ତ କରିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ସେଠାରେ ମୋଦି ପୁଣେ ଦେହୁରେ ଥିବା ଜଗତଗୁରୁ ସନ୍ତ ତୁକାରାମ ମହାରାଜଙ୍କ(Jagatguru Sant Tukaram Maharaj) ପ୍ରତିମୂର୍ତ୍ତି ଏବଂ ଶିଳା ମନ୍ଦିରର ଉଦଘାଟନ କରିବେ । ଏଥିପାଇଁ କିଛି ଦିନ ପୂର୍ବରୁ ଦେହୁ ସଂସ୍ଥାନ ଟ୍ରଷ୍ଟି ପ୍ରଧାନମନ୍ତ୍ରୀଙ୍କୁ ନିୟନ୍ତ୍ରିତ କରିଥିଲେ । ପ୍ରଧାନମନ୍ତ୍ରୀ ନିମନ୍ତ୍ରଣକୁ ଗ୍ରହଣ କରି ଆଜି ସେଠାକୁ ଗସ୍ତ କରୁଛନ୍ତି । ପ୍ରଧାନମନ୍ତ୍ରୀଙ୍କ ସ୍ବାଗତ ପାଇଁ ମନ୍ଦିର ପ୍ରଶାସନ ପକ୍ଷରୁ ସମସ୍ତ ଆବଶ୍ୟକୀୟ ପ୍ରସ୍ତୁତି ଶେଷ ହୋଇଛି ।
ଇଟିଭି ଭାରତ ଟିମ୍ ମନ୍ଦିରରେ ପହଞ୍ଚି ମନ୍ଦିରରେ ପ୍ରସ୍ତୁତି ଅନୁଧ୍ୟାନ କରିଛନ୍ତି । ଏହି ମନ୍ଦିର ଉଦଘାଟନ ପରେ ଆଜି ଅପରାହ୍ନ ପ୍ରାୟ ୪.୧୫ ରେ ପ୍ରଧାନମନ୍ତ୍ରୀ ମୁମ୍ବାଇର ରାଜ ଭବନରେ ଜଲ ଭୂଷଣ ବିଲଡିଂ ଓ ରିଭୋଲ୍ୟୁସନାରୀ ଗ୍ୟାଲେରୀର ଉଦଘାଟନ କରିବେ । ସନ୍ଧ୍ୟା ୬ ଟାରେ ପ୍ରଧାନମନ୍ତ୍ରୀ ମୁମ୍ବାଇର ବାନ୍ଦ୍ରା କୁର୍ଲା କମ୍ପେ୍ଲକ୍ସରେ ମୁମ୍ବାଇ ସମାଚାରର ଦ୍ବିଶତାବ୍ଦୀ ମହୋତ୍ସବରେ ସାମିଲ ହେବେ ।
