ବେଙ୍ଗାଲୁରୁ: କୃଷକ ନେତା ରାକେଶ ଟିକାୟତଙ୍କ ଉପରକୁ ହେଲା କାଳି ମାଡ଼ । କର୍ଣ୍ଣାଟକରେ ଏକ ସାମ୍ବାଦିକ ସମ୍ମିଳନୀରେ ଯୋଗ ଦେଇଥିବା ବେଳେ ରାକେଶ ଟିକାୟତ ଓ ତାଙ୍କ ସହ ଥିବା ଯୁଦ୍ଧବୀର ସିଂହଙ୍କ ଉପରକୁ କାଳି ମାଡ଼ ହୋଇଛି । ଖାଲି ସେତିକି ସାମ୍ବାଦିକ ସମ୍ମିଳନୀରେ କିଛି ଲୋକ ଚେୟାରକୁ ମଧ୍ୟ ତାଙ୍କ ଉପରକୁ ଫୋପଡ଼ା ଫିଙ୍ଗା କରିଥିବା ଅଭିଯୋଗ ହୋଇଛି । ଏହି ମାମଲାରେ ବର୍ତ୍ତମାନ ସୁଦ୍ଧା କାହାରିକୁ ଗିରଫ କରାଯାଇନାହିଁ ।
ଏକ ଷ୍ଟିଙ୍ଗ୍ ଅପରେସରନ ଭିଡିଓକୁ ନେଇ ସ୍ପଷ୍ଟୀକରଣ ଦେବାକୁ ସାମ୍ବାଦିକ ସମ୍ମିଳନୀ କରିଥିଲେ ରାକେଶ ଟିକାୟତ । କର୍ଣ୍ଣାଟକରେ ଏହି ଷ୍ଟିଙ୍ଗ୍ ଅପରେସନ କରାଯାଇଥିଲା । କର୍ଣ୍ଣାଟକର ଜଣେ କୃଷକ ନେତା ଏକ କମ୍ପାନୀକୁ ଜମି ବାବଦରେ ଟଙ୍କା ମାଗୁଥିବା ଭିଡିଓ ଭାଇରାଲ ହୋଇଥିଲା ।
ଏହି ଭିଡିଓକୁ ନେଇ ରାକେଶ ଟିକାୟତଙ୍କୁ ସମାଲୋଚନାର ଶିକାର ହେବାକୁ ପଡ଼ିଥିଲା । ଏହାକୁ ନେଇ ସେ ସ୍ପଷ୍ଟୀକରଣ ଦେଉଥିବା ବେଳେ କିଛି ଉପସ୍ଥିତ ଲୋକ ତାଙ୍କୁ ବିରୋଧ କରିଥିଲେ । ଏହାପରେ ତାଙ୍କ ଉପରକୁ କିଛି ଲୋକ କାଳି ଫୋପାଡ଼ିଥିଲେ । ସଙ୍ଗେସଙ୍ଗେ ଘଟଣାସ୍ଥଳରେ ମୋଦି ମୋଦି ନାରା ଲଗାଇଥିଲେ କିଛି ବିଜେପି ସମର୍ଥକ । ପୋଲିସ କାର୍ଯ୍ୟାନୁଷ୍ଠାନ ନେଇ ୩ ଜଣଙ୍କୁ ଏହି ମାମଲାରେ ଅଟକ ରଖିଛି ।
