ନୂଆଦିଲ୍ଲୀ: ଆଜିଠୁ ‘ଟିକା ଉତ୍ସବ’ର ଶୁଭାରମ୍ଭ ହୋଇଛି । ଚାରି ଦିନ ଧରି ଚାଲିବ ଟୀକାକରଣ ଉତ୍ସବ । କୋରୋନା ବିରୋଧରେ ଟୀକାକରଣକୁ ଜୋରଦାର କରିବାକୁ ଟିକା ଉତ୍ସବ ଆରମ୍ଭ ହୋଇଛି । କୋରୋନା ବିରୋଧରେ ଦ୍ବିତୀୟ ଥର ଲାଗି ଯୁଦ୍ଧ ଆରମ୍ଭ ହୋଇଯାଇଛି । ବ୍ୟକ୍ତିଗତ ଓ ସାମାଜିକ ସ୍ବଚ୍ଛତା ବିଶେଷ ଧ୍ୟାନ ଦେବାକୁ ହେବ ।ଏନେଇ ଆଜି ପ୍ରଧାନମନ୍ତ୍ରୀ ଏକ ଟ୍ବିଟ କରି 4ଟି ପରାମର୍ଶ ଦେଇଛନ୍ତି ।
ଏହି ଚାରୋଟି ବିଷୟରେ ବିଶେଷ କରି ଧ୍ୟାନ ଦେବାକୁ ମୋଦି କହିଛନ୍ତି ...
- ପ୍ରତ୍ୟେକ ବ୍ୟକ୍ତି ଭ୍ୟାକସିନ ନେବା ଜରୁରୀ - ଯେଉଁ ବ୍ୟକ୍ତି ଅଶିକ୍ଷିତ, ବୃଦ୍ଧ କିମ୍ବା ନିଜସ୍ବ ଯାଇ ଟିକା ନେଇପାରିବେ ନାହିଁ ସେମାନଙ୍କୁ ସହାୟତା କରିବାକୁ ଜରୁରୀ ।
- ପ୍ରତ୍ୟେକ ବ୍ୟକ୍ତିଙ୍କ ଚିକିତ୍ସା ଜରୁରୀ- କୋରୋନାକୁ ପ୍ରତିହତ କରିବାକୁ ଯେଉଁମାନଙ୍କ ପାଖରେ ସମ୍ବଳର ଅଭାବ ରହିଥାଏ ଓ କମ ସଚେତନ ବ୍ୟକ୍ତିଙ୍କୁ ଚିକିତ୍ସା ନେଇ ଅବଗତ କରାଇବାକୁ ଆବଶ୍ୟକ ।
- ପ୍ରତ୍ୟେକ ବ୍ୟକ୍ତିଙ୍କ ଜୀବନ ବଞ୍ଚାନ୍ତୁ-ନିଜେ ସଚେତନ ରହିବା ସହ ଅନ୍ୟକୁ ସଚେତନ କରିବା । ନିଜେ ମାସ୍କ ପିନ୍ଧିବା ସହ ଅନ୍ୟ ମଧ୍ୟ ମାସ୍କ ପିନ୍ଧିବାକୁ କହିବା ।
- ଚତୁର୍ଥ ପରାମର୍ଶ ଅତ୍ୟନ୍ତ ଗୁରୁତପୂର୍ଣ୍ଣ- କୋରୋନା ଚିହ୍ନଟ ହେବା ପରେ ପ୍ରତ୍ୟେକ ବ୍ୟକ୍ତି ନେତୃତ୍ବ ନେଇ ନିଜ ଅଞ୍ଚଳକୁ ମାଇକ୍ରୋ କଣ୍ଟେନମେଣ୍ଟ ଜୋନରେ ପରିଣତ କରିବା । ଯେଉଁଠି ଗୋଟିଏ ପଜିଟିଭ ମାମଲା ସାମ୍ନାକୁ ଆସିଲେ ସେଠାରେ ସେହି ପରିବାର ତଥା ସମାଜର ଲୋକେ ମାଇକ୍ରୋ କଣ୍ଟେନମେଣ୍ଟ ଜୋନ କରିବା ଜରୁରୀ ।
ଭାରତ ଭଳି ଜନବହୁଳ ରାଷ୍ଟ୍ରରେ ମାଇକ୍ରୋ କଣ୍ଟେନମେଣ୍ଟ ଜୋନ ଗୁରୁତ୍ବପୂର୍ଣ୍ଣ ପଦକ୍ଷେପ । କୋରୋନାକୁ ନେଇ ଜାଗୃତ ରହିବାକୁ ପଡିବ । ଏହା ସହ ଟେଷ୍ଟିଂ ମଧ୍ୟ ଜରୁରୀ । କୋରୋନା ବିରୋଧରେ ଟୀକାକାରଣ ସମାଜ ସହିତ ପ୍ରଶାସନର ମଧ୍ୟ କାମ । ସେହିପରି ଯେମିତି କୌଣସି ଭ୍ୟାକସିନ ନଷ୍ଟ ନ ହୁଏ । ଆଉ ଏଥିପାଇଁ ସତର୍କ ରହିବା ସହ ଜିରୋ ଭ୍ୟାକସିନ ଟେଷ୍ଟ କୁ ଗୁରୁତୂପୂର୍ଣ୍ଣ ।
କୋରୋନା ବିରୋଧରେ ଆମର ସଫଳତା ମାଇକ୍ରୋ କଣ୍ଟେନମେଣ୍ଟ ଜୋନ, ବିନା ଆବଶ୍ୟକତା ଘର ନ ବାହାରିବା, ଟୀକାକରଣରେ ସାମିଲ ହେବା ଓ ମାସ୍କ ପିନ୍ଧିବା ସହ ଅନ୍ୟ କୋଭିଡ ନିୟମ ଉପରେ ନିର୍ଭର କରେ ।
ଟିକା ଉତ୍ସବର ଏହି ଚାରିଦିନିଆ ଉତ୍ସବରେ ବ୍ୟକ୍ତିଗତ ତଥା ସମାଜ, ପ୍ରଶାସନ ସ୍ତରରେ ନିଜେ ନିଜର ଲକ୍ଷ୍ୟ ସ୍ଥିର କରିବାକୁ ହେବ । କୋରୋନା ବିପକ୍ଷରେ ସଫଳତା ପାଇବାକୁ ହେଲେ ସମସ୍ତ ନିୟମକୁ ମାନି ଚଳିବାକୁ ହେବ । ଶେଷରେ ପ୍ରଧାନମନ୍ତ୍ରୀ ଜନତାଙ୍କ ବିଶ୍ବାସ ରଖିବା ସହ ପୁଣି ଥରେ କୋରୋନାକୁ ନିୟନ୍ତ୍ରଣ କରିବାରେ ସଫଳ ହେବା ବୋଲି କହିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
